Kosova
Qeveria ia jep Policisë pronat e sekuestruara të Radoiçiqit
![](https://www.albinfo.ch/wp-content/uploads/2024/07/123123123rff-587x375.webp)
Sot Qeveria e Kosovës ka marrë vendim për ndryshim të një Udhëzimi administrativ, i cili mundëson që pronat e sekuestruara nga përgjegjësi për sulmin e 24 shtatorit në Banjskë, Milan Radoiçiq, t’i kalojnë Policisë së Kosovë pa procedura të tejzgjatura. Sipas Qeverisë, kjo po bëhet për ta ngritur “sigurinë shtetërore”, pasi konsiderohen se pronat e sekuestruara gjenden në “disa pika strategjike të territorit të Kosovës”, përcjell albinfo.ch.
Radoiçiqit mori përgjegjësinë për sulmin e Banjskës, në të cilin u vra rreshteri i Policisë së Kosovës, Afrim Bunjaku. Ai është në kërkim nga INTERPOL-i, por nuk arrestohet nga autoritetet serbe.
Gjatë një aksioni në prill, Agjencia për Administrimin e Pasurive të Sekuestruara ose të Konfiskuara e Kosovës sekuestroi dy prona të paluajtshme në Mitrovicën e Veriut, një restorant dhe një banesë, si dhe një vilë në komunën e Zubin Potokut – që të gjitha në pronësi të Radoiçiqit, shkruan koha.
Kryeministri Albin Kurti gjatë mbledhjes së Qeverisë ka thënë se këto prona mund të jepen me qira vetëm për institucionet publike apo organet shtetërore.
“Ky projektudhëzim rregullon të drejtën e Agjencisë për Administrimin e Pasurive të Sekuestruara ose të Konfiskuara të Kosovës që të japë me qira në fazën e sekuestrimit pasuritë e paluajtshme pa ankand publik, nëse ato kërkohen nga institucionet publike apo organet shtetërore. Kjo po bëhet me qëllim të përshpejtimit të procedurave… Pronat e sekuestruara gjenden në disa pika strategjike të territorit tonë, konkretisht në veri. Shfrytëzimi dhe menaxhimi i tyre nga institucionet e sigurisë është i rëndësisë nacionale, i kontribuon rritjes së sigurisë territoriale në përgjithësi, e posaçërisht për qytetarët e vendit tonë”, ka thënë Kurti.
Ministrja e Drejtësisë, Albulena Haxhiu, ka konfirmuar se disa prona në veri “do të kalojnë në shërbim të institucioneve e sigurisë, për ngritjen e sigurisë shtetërore”.
“Pronat e ish-kryeterroristit Milan Radoiçiq do të kalojnë në shërbim të institucioneve të sigurisë. Ato që kanë qenë prona të tij, tani janë pronë e Ministrisë së Drejtësisë. Për këtë arsye, do t’i japim pronat për Ministrinë e Brendshme, gjegjësisht Policinë e Kosovës”, ka thënë ajo.
Të tjera nga Kosova
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë