Kosova
Qeveria e Kosovës për heqjen e vizave për serbët me pasaporta ilegale: Nuk u konsultuan me ne, dëmtuan përpjekjet tona
![](https://www.albinfo.ch/wp-content/uploads/2017/10/qeveria-e-kosoves-ndertesa-587x390.png)
Qeveria e Kosovës është shprehur e zhgënjyer me vendimin e marrë nga Bashkimi Evropian në lidhje me “liberalizimin e vizave” për mbajtësit e pasaportave ilegale të lëshuara nga autoritetet serbe, për qytetarët serbë të Kosovës.
Klisman Kadiu, këshilltar i zëvendëskryeministri Besnik Bislimi, për Klankosova.tv ka theksuar se ato pasaporta nuk do të njihen nga institucionet kosovare.
“Cilido vendim i Bashkimit Evropian nuk e zhbën faktin që ato pasaporta vijojnë të mbeten ilegale, në shkelje të plotë të integritetit territorial dhe sovranitetit të shtetit tonë, e rrjedhimisht të papranueshme për Republikën e Kosovës. Ato pasaporta do të vazhdojnë të mos njihen nga autoritetet tona”, ka thënë ai.
“Secili qytetar i vendit, nga secili komunitet, ka të drejtën e plotë që të përfitojë nga lëvizja e lirë pa viza, përmes pasaportës së Republikës së Kosovës. Andaj, justifikimi i përdorur se bartësit e këtyre pasaportave ilegale do të mbeten të izoluar, është i pasaktë dhe në shpërputhje me realitetin”, ka thënë Kadiu.
Kadiu ka deklaruar se është e pashpjegueshme ngutia e shfaqur për marrjen e këtij vendimi, “pa vërtetuar faktet në terren, pa analizuar implikimet qё munden dhe do tё pёrcjellin zbatimin e vendimit dhe pa konsultuar që nga fillimi institucionet e shtetit tonë”.
“Ky vendim dёmton përpjekjet tona të vazhdueshme për integrimin e komunitetit serb në Kosovë. Republika e Kosovës po zbaton politika në fusha të ndryshme, të cilat po i sjellin qytetarët më pranë institucioneve, e gjersa dhe me liberalizimin e vizave për Kosovën, pati rritje të ndjeshme e të prekshme të qytetarëve nga komuniteti serb, të cilët u pajisën dhe po pajisen me dokumentet e Republikës sonë”.
Këshilli i Bashkimit Evropian ka marrë vendimin që t’ua heqë vizat qytetarëve serbë të Kosovës që posedojnë pasaporta që i lëshon e ashtuquajtura Drejtoria Koordinuese Serbe, e që për autoritetet e Kosovës, konsiderohet institucion ilegal.
“Sot Këshilli miratoi rregulloren që siguron që i gjithë rajon i Ballkanit Perëndimor është subjekt i regjimit të njëjtë të vizave, kjo duke hequr përjashtimin që paraprakisht aplikohej për mbajtësit e pasaportave serbe të lëshuara nga Drejtoria Koordinuese Serbe”, thuhet mes tjerash në njoftim, përcjell albinfo.ch.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë