Kosova
Qeveria demanton Serbinë: Marrëdhëniet Kosovë – Francë, të palëkundura
Presidenti francez, Emmanuel Macron, do të vizitojë Serbinë brenda këtij muaji, ku do të diskutojë për dialogun Kosovë-Serbi, përcjell albinfo.ch.
Rreth kësaj vizite gazeta serbe ‘Blic’ raportoi se Macron tani ka një qëndrim të ri kundër Kosovës. Sipas tyre, deri këtu ka ardhur si pasojë e mosdëgjueshmërisë së kryeministrit Ramush Haradinaj ndaj Francës dhe Gjermanisë për ta hequr taksën ndaj produkteve serbe.
Një gjë e tillë po mohohet nga ana e Qeverisë së Kosovës. Donjeta Gashi, zëdhënëse e Qeverisë, ka thënë për lajmi.net se marrëdhëniet mes shtetit tonë dhe Francës janë të palëkundura.
“Marrëdhëniet e Kosovës dhe Francës qëndrojnë të palëkundura dhe këto janë fakte, në bazë të bashkëpunimit ndërinstitucional dhe jo deklarative. Si dëshmi rishtaz kemi edhe faktin që për një kohë të shkurtër kryeministri Haradinaj ka takuar ministrin e Punëve të Brendshme të Francës në Paris dhe kryeministrin e Francës gjatë Samitit të Poznanit”, ka deklaruar Gashi.
Sipas saj, ky partneritet është afatgjatë, dhe Qeveria e vendit është e përkushtuar për t’i fuqizuar këto raporte me interes të ndërsjellë.
“Në takimet e fundit Kryeministri Haradinaj, ka kërkuar mbështetjen e palës franceze për liberalizim të vizave dhe ajo çka kemi marrë nga Franca si përgjigje është që ky vend nuk do ta pengojë këtë proces dhe gjithashtu e mbështet Kosovën në proceset integruese”, ka përfunduar Gashi.
Macron do të udhëtojë për në Beograd më 15 të këtij muaji, ndërsa presidenti i Serbisë, Aleksandar Vuçiq, e ka konfirmuar se me homologun francez do të flasë për zgjidhjen e çështjes shekullore me Kosovën.
Ndërsa sa i përket një vizite të mundshme në Kosovë, një gjë e tillë nuk është përmendur.
Vlen të theksohet se së fundi Macron ka pasur një qëndrim negativ ndaj zgjerimit të BE-së, dhe për këtë çështje thuhet se do t’ia japë një mesazh të rëndësishëm presidentit serb.
E-Diaspora
-
24 orë në ditë në shërbim të pacientit: Spitex Mednest24 Spitex Mednest24 kontribuon në përmirësimin e cilësisë së jetës së njerëzve të moshuar ose të sëmurë...
-
Votimi në diasporë, ambasada e Kosovës në Gjermani tregon procedurën e plotësimit dhe dërgimit të fletëvotimit
-
Gjermania me numrin më të lartë të votuesve jashtë Kosovës
-
Ja si mund të votoni nga jashtë!
-
Ka mashtruar me baste sportive: Gjykata Federale konfirmon dëbimin e kosovarit
Jeta në Zvicër
-
Informacionet kryesore në lidhje me ndalimin e ri të Rottweiler në kantonin e Cyrihut Në kantonin e Cyrihut që nga fillimi i vitit ka qenë në fuqi një ndalim i...
-
Zvicër: Ftohtë të premten, pritet bora e radhës në ultësira
-
Faturat që duhet të paguani në Zvicër para fundit të janarit
-
Banka Kombëtare e Zvicrës pret të mbyllë vitin financiar 2024 me 80 miliardë franga fitim
-
Fuqia punëtore zvicerane e prodhimit të orëve mbetet e qëndrueshme në tregun e vështirë