Parandalo organizon diskutimin: “Aftësia e kufizuar dhe migrimi” me Saphir Ben Dakon

“Ne, personat me aftësi të kufizuara dhe me sfond migrimi, jemi pjesë e shoqërisë zvicerane, ne kërkojmë të pranohemi dhe të jemi të barabartë.”

Qendra Parandalo është kompetente për këshillime, mbështetje, informim dhe ndërmjetësime për njerëzit me sfond migrimi. Ne jemi të përkushtuar për vetëvendosje në jetë dhe mundësi të barabarta për të gjithë. Ne kërkojmë të jemi pjesë e një shoqërie gjithëpërfshirëse.

Të dashur anëtarë dhe anëtare, të nderuar miq dhe të interesuar.

Ju ftojmë në eventin me diskutimin mbi temën Aftësia e kufizuar dhe migrimi Me Saphir Ben Dakon, eksperte e komunikimit dhe përfshirjes, dhe Valdete Hoti, kryetare e Shoqatës dhe koordinatore në Qendrën Parandalo. Moderuar nga Sara Satir, trajnere, podkastere, kolumniste dhe prezantuese, thuhet në njoftim e qendrës.

Së bashku diskutojmë rreth publikimit Udhëzues dhe pyetje thelbësore: Si mund të sigurohemi që edhe personat me aftësi të kufizuara dhe sfond migrimi, ti njohin të drejtat e tyre dhe t’i ushtrojnë ato duke bartë përgjegjësitë që u takojnë?! Në mënyrë që njerëzit me aftësi të kufizuar dhe sfond migrimi të bëhen më të dukshëm në shoqëri, që stereotipet dhe paragjykimet ekzistuese (si invalid të rremë) të mund reduktohen, thuhet tutje në njoftim.

Eventi me diskutim që organizohet në kuadër të Ditëve Kombëtare të Veprimit për të Drejtat e Personave me Aftësi të Kufizuara 2024 – Përfshirja në të Ardhmen – dhe mbështetet nga Programi i Integrimit Kantonal dhe entit për integrim të Qytetit të Cyrihut.

Koha: E premte, 31 maj 2024, ora 18:30 – 20:30

Vendi: GZ Oerlikon, Gubelstrasse 10, 8050 Cyrih

Regjistrimi është i dëshiruar dhe pjesëmarrja është falas. Ju lutemi regjistrohuni këtu: https://parandalo.ch/

Presim me kënaqësi pjesëmarrjen tuaj me diskutime frymëzuese.

---