Botë
Pse ia vlen ta vizitoni Luksemburgun?
![](https://www.albinfo.ch/wp-content/uploads/2018/06/luksemburg.jpg)
Nëse po planifikoni udhëtime të shkurtra nëpër Europë, nuk duhet të anashkaloni një vizitë në Luksemburg.
Jo larg nga Franca, Belgjika ose Gjermania, dhe sado i vogël që mund të jetë ky komb europian, ka shumë për të parë dhe mësuar – dhe shumë prej tyre janë të arritshme me transport publik.
Madje, i gjithë transporti publik ka qenë falas për turistët dhe vendasit, që nga viti 2020.
Luksemburgu shpesh anashkalohet nga turistët. Por, nga fshatrat e çuditshme të vendit, kështjellat e deri te tregjet plot gjallëri të Krishtlindjeve, do të gjeni shumë për të bërë dhe për të parë, nëse do të qëndroni për një pasdite apo një javë.
Për shembull, nëse planifikoni të shkoni në Gjermani, për të parë kështjellën Burg Eltz, mund të dëshironi të përfshini një udhëtim në Luksemburg, për të parë kështjellën përrallore Vianden.
Ose, nëse po eksploroni katakombet magjepsëse të Parisit, ose po hyni thellë në Palais du Coudenberg në Bruksel, do t’ju pëlqejë të zbrisni në tunelet e shekullit të 17-të të quajtura Bock Casemates
Ndoshta mund të arrini në destinacionin tuaj me tren, tramvaj ose autobus — të gjitha këto janë falas.
Mund të duket e habitshme, që një sistem transporti publik të jetë plotësisht falas. Megjithatë, sipas Luxtoday, sistemi i tranzitit të Luksemburgut kushtonte më shumë se sa fitonte.
Tarifat sillnin vetëm rreth 10% të kostos për funksionimin dhe mirëmbajtjen e tij.
Në vend që ta konsideronte këtë problem, Luksemburgu e eliminoi çmimin krejtësisht, me shpresën për të inkurajuar si vendasit, ashtu edhe vizitorët, që të zgjidhnin transportin publik në vend të drejtimit të automjetit.
Mesatarisht, njerëzit e Luksemburgut janë më të pasurit në botë, dhe si të tillë shumë familje kanë më shumë se një makinë.
Trafiku mund të jetë një shqetësim i madh për banorët dhe emetimet janë një problem serioz.
Në përpjekje për të ofruar një alternativë, trenat, autobusët dhe tramvajet e shumta të vendit janë falas.
Nëse ju pëlqen të udhëtoni me stil, mund të paguani pak për klasin e parë, por përndryshe, nuk keni nevojë as të rezervoni vendin tuaj.
Nëse jeni duke marrë një tren për të shkuar në Luksemburg, do t’ju duhet të paguani një tarifë, por sapo të hyni në vend, fillon transporti falas. Edhe autobusat nga aeroporti në qytet janë falas.
Ndërsa transporti publik njihet si i rehatshëm, i pastër dhe i lehtë për t’u përdorur, disa vendas ankohen se trenat shpesh vonohen, kështu që mund t’i lini vetes pak kohë shtesë.
Shumica dërrmuese e vendasve të Luksemburgut janë pozitivë dhe të kënaqur për cilësinë e transportit publik.
Në një media social, një emigrant shprehej: “Ju do ta vlerësoni transportin falas në Luksemburg, derisa të udhëtoni diku tjetër dhe të duhet të paguani për të”.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë