Lajme
Pse gratë vdesin më shpesh se burrat nga sulmet në zemër?
![](https://www.albinfo.ch/wp-content/uploads/2024/01/192287758_highres-587x392.jpg)
Një studim i kohëve të fundit mbi shëndetin e popullatës zvicerane tregoi se burrat zviceranë janë më të lumtur se gratë, por bëjnë jetë më të pashëndetshme dhe vdesin më herët. Në vitin 2022, burrat gjithashtu duhej të shkonin më shpesh në spital për shkak të sëmundjeve kardiovaskulare.
Por, më shumë gra se burra vdiqën si rezultat. Në shifra, kjo është 29 për qind e femrave në krahasim me 26 për qind të meshkujve, siç shkruan “NZZ am Sonntag”, duke cituar një studim të firmës konsulente Pricewaterhouse Coopers.
Një arsye është ndoshta injoranca e mjekëve, vijon gazeta. 61 për qind e grave që e konsideronin veten të rrezikuar nuk ishin informuar për simptomat përkatëse nga mjekët e tyre. Për meshkujt është 48 për qind.
“Mjekësia specifike gjinore mezi e ka gjetur rrugën e saj në praktikë”, thotë shefja e qendrës në Inselspital Bern, Catherine Gebhard.
Kjo nuk prek vetëm spitalet, por edhe mjekët privatë. Nga njëra anë, kjo ka të bëjë me kërkimet që kanë qenë prej kohësh të dominuara nga meshkujt dhe të orientuar drejt meshkujve, si dhe me trajnimin.
Ekziston një “hendek sistemik i njohurive”, shton Valeria Scheiwiller, Presidente e Shoqatës Zvicerane të Studentëve të Mjekësisë. “Unë do të doja që studentët të jenë më të vetëdijshëm për këtë”.
Tashmë politikanët kanë reaguar ndërkohë. Në pranverë, Këshilli Federal do të propozojë masa për eliminimin e disavantazheve me të cilat përballen gratë në mjekësi./20minuten
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë