Maqedonia
Pse fluturimet mes Frankfurtit dhe Shkupit do të reduktohen nga muaji maj?
![](https://www.albinfo.ch/wp-content/uploads/2019/08/315614011-587x390.jpg)
Raportohet se linja ajrore gjermane ‘Lufthansa’ ka njoftuar se do të reduktojë numrin e fluturimeve mes Shkupit dhe Frankfurtit, si dhe drejt destinacioneve të tjera në rajon, nga maji i këtij viti. Ky reduktim vjen si pasojë e problemeve të motorëve të një pjese të flotës së avionëve Airbus, çka ka ndikuar në orarin e tyre të fluturimeve në distanca të mesme, njoftoi faqja e specializuar e aviacionit “Exyuaviation”, përcjell albinfo.ch.
Kompania ka bërë të ditur se do të anulojë ose të zvogëlonte planet e saj fillestare për të zgjeruar operacionet në tregjet në gjithë ish-Jugosllavinë. Përveç Shkupit, disa shërbime janë reduktuar edhe për Beogradin, Lubjanën, Zagrebin dhe Sarajevën.
Linja ajrore midis Shkupit dhe Frankfurtit, e cila u prezantua vitin e kaluar, do të reduktohet në tetë fluturime në javë në vend të dhjetë rotacioneve aktuale javore, duke filluar nga muaji maj.
Përveç ndryshimeve në shërbimet në tregjet e ish-Jugosllavisë, ‘Lufthansa’ gjithashtu do të ndërpresë plotësisht operacionet nga Frankfurt në Cluj-Napoca, Timisoara, Friedrichshafen, Linz dhe Innsbruck, si dhe nga Mynihu në Leipzig.
Në total, rreth 100 fluturime javore do të ndërpriten në sezonin e verës, pasi 64 avionë në grupin ‘Lufthansa’ janë prekur nga problemet e motorit nga prodhuesi Pratt & Whitney.
‘Lufthansa’ ka shtuar se ndryshime shtesë në orarin e fluturimeve janë të mundshme në varësi të situatës.
Të tjera nga Maqedonia
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë