Lajme
Prokuroria kërkon 18 vjet burgim për autorin e vrasjes së Shqiponja Isufit
Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator 2022. Procesi ndaj tij fillon më 10 qershor
![](https://www.albinfo.ch/wp-content/uploads/2022/11/shqiponja-perkujtim-1.jpg)
Policia Kantonale e Aargaut kishte marrë një thirrje urgjente mëngjesin e 25 shtatorit 2022. Një 49-vjeçar, shtetas zviceran, ishte në telefon dhe thoshte se gruaja e tij ishte mbyllur në banjë dhe nuk po u përgjigjej thirrjeve.
Sapo arritën në vendngjarje, ekipet e shpëtimit thyen derën pa asnjë problem, duke i rënë me shkelma. Por brenda ata gjetën gruan 41-vjeçare, tashmë të vdekur, transmeton albinfo.ch. Nga hetimet rezultoi se viktima, Shqiponja Isufi, mësimdhënëse universitare dhe një emër shumë i njohur në komunitetin shqiptar të Zvicrës, ishte mbytur.
Tani është caktuar një datë për seancën dëgjimore përpara Gjykatës së Qarkut në Baden: Ajo fillon të hënën, më 10 qershor, në ambientet e Policisë Kantonale të Aargaut në Schafisheim, dhe është e mbyllur për publikun. Vendimi gjyqësor është caktuar të merret pasditen e së premtes, më 14 qershor.
Pas përfundimit të hetimeve, prokuroria publike supozon se vrasjes së viktimës duhet t’i ketë paraprirë një debat mes çiftit, shkruan gazeta Luzerner Zeitung. Bazuar në provat e disponueshme, ajo e vlerëson qasjen e të akuzuarit ndaj krimit si veçanërisht të paskrupullt, torturuese për viktimën, ndërsa prapavinë e vrasjes, të përshkuar nga egoizmi i të akuzuarit. Si përmbledhje, personi në fjalë akuzohet për vrasje të rëndë, përcjell albinfo.ch. Zyra e prokurorit publik të Badenit fillimisht kishte hetuar krimin, duke e përcaktuar atë si vrasje me dashje.
Sipas prokurorisë, i akuzuari duhet të dënohet me 18 vjet burgim për krimin e kryer. Nga ana tjetër, 49-vjeçari pranon se është përgjegjës për vdekjen e gruas së tij. Kjo qe njoftuar tashmë që në qershor 2023.
Deri në vendimin e formës së prerë, i akuzuari prezumohet i pafajshëm.
Të ngjashme
Të tjera nga Lajme
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë