Pritje në Kantonin Obwalden për Konsullin e Kosovës në Cyrih

Shefi i Konsullatës, Vigan Berisha është pritur nga drejtori i ekonomisë në Qeverinë e Kantonit, Othmar Filliger dhe drejtoresha e financave Michèle Blöchliger

Shefi i Konsullatës së Republikës së Kosovës në Cyrih, Vigan Berisha së bashku me zëvendëskonsullin, Avni Zejnullahu, ka vizituar sot kantonin Nidwalden. Ai është pritur nga drejtori i ekonomisë në Qeverinë e Kantonit, Othmar Filliger dhe drejtoresha e financave Michèle Blöchliger, si dhe janë prezantuar së bashku para bashkisë.

Mikpritësit përmes një postimi në faqen e internetit të kantonit shprehen  shumë të kënaqur nga vizita dhe shkëmbimi i vlefshëm për tema të ndryshme.

Kantoni Nidwalden ka një marrëdhënie të veçantë me Kosovën, pasi ushtarët e Swisscoy-t përgatitjet për misionin e tyre të promovimit të paqes në Kosovë i kryejnë në Swissint, organizata që ka selinë në Oberdorf të këtij kantoni.

---