Lajme
Polonia ndalon hyrjen e grurit nga Ukraina
![](https://www.albinfo.ch/wp-content/uploads/2015/08/gruri-587x390.jpg)
Ministri polak i Bujqësisë deklaroi se Polonia do të zgjasë ndalimin e importit të drithit ukrainas pas 15 shtatorit.
”Ne nuk do të lejojmë që gruri ukrainas të hyjë në Poloni pas 15 shtatorit, pasi interesat e fermerëve polakë janë për ne më të rëndësishme se çdo rregullore e BE-së”, tha Robert Telus në qytetin polak të Czestochowas.
Më 28 prill, KE arriti një marrëveshje me Poloninë, Bullgarinë, Hungarinë, Rumaninë dhe Sllovakinë për kufizimet në importet e produkteve agro-ushqimore ukrainase dhe më 2 maj njoftoi miratimin e një ndalimi të përkohshëm për importet e grurit, misrit dhe lulediellit nga Ukraina.
Muajin e kaluar ajo zgjati ndalimin deri më 15 shtator.
Telus është sot në Spanjë për të marrë pjesë në një takim të nivelit të lartë të ministrave të Bujqësisë të BE-së, në mënyrë që të kërkojë mbështetjen e BE-së për zgjatjen e ndalimit.
”Ne e dimë se çfarë mund të ndodhë nëse gruri ukrainas do të hynte në Poloni pas 15 shtatorit”, tha Telus, duke shtuar se kjo do ta vështirësonte situatën pasi ”çmimet e drithit janë të ulëta dhe depot janë plot me drithëra”.
”Meqë jemi të bindur se ky ndalim është në interesin tonë, ne do ta mbrojmë atë”, theksoi ai.
Janusz Kowalski, zëvendësministër i Bujqësisë, shtoi se qeveria polake kishte ofruar tashmë subvencione 3,3 miliardë euro për fermerët polakë, ndërsa ndihma e BE-së ishte vetëm 66,7 milionë euro.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë