Lajme
Policia vjeneze thirrje personave me prejardhje të huaj: Vjena ka nevojë për ty!
![](https://www.albinfo.ch/wp-content/uploads/2024/07/wienerpolizei-587x331.jpg)
Policia e Vjenës po kërkon persona me prejardhje të huaj për t´iu bashkuar këtij institucioni të sigurisë. Sikur edhe vitet e mëparshme, Policia vjeneze ka mbajtur takimin e radhës, ku u ka bërë thirrje të gjithë të interesuarve që të aplikojnë në afatin e vjeshtës dhe t´i bashkohen policisë, për të mirëmbajtur rendin në kryeqytetin austriak.
Që nga viti 2007 Departamenti për Integrim dhe Diversitet i qytetit të Vjenës së bashku me Policinë e Vjenës organizojnë takime me moton: “Vjena ka nevojë për ty!”. Aty marrin pjesë policë të shumtë, të cilët ndajnë me pjesëmarrësit eksperiencat e tyre, dhe u përgjigjen pyetjeve të të interesuarve.
Nënkryetari i Vjenës, Christoph Wiederkehr në këtë takim është shprehur se njerëzit me prejardhje migrimi e pasurojnë punën e policisë me aftësitë dhe ndryshimet e tyre gjuhësore e kulturore, shkruan albinfo.ch.
“Vjena, një nga qytetet më të larmishme dhe me rritjen më të shpejtë në Evropë, ka nevojë për një forcë policie që pasqyron popullsinë tonë. Njerëzit me prejardhje migrimi pasurojnë punën e policisë me aftësi gjuhësore dhe mirëkuptim kulturor. Është thelbësore që dega ekzekutive ta bëjë të dukshme këtë diversitet të jetuar”, ka thënë Wiederkehr.
Një nga kërkesat për të filluar karrierën në policinë vjenezë është shtetësia austriake, kurse të pasurit prejardhje migrimi nuk luan rol në këtë aspekt. Përkundrazi, qyteti vjenes dhe policia vjeneze u kanë bërë thirrje personave me prejardhje të huaj të aplikojnë, nëse kanë nënshtetësi. Përveç shtetësisë, kërkohet një reputacion i pastër dhe kalimi i provimit pranues për të filluar trajnimin e policisë.
Të tjera nga Lajme
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë