Integrimi

Policia kërkon të punësojë migrantë

Ruajtësit e rendit në Renaninë Veriore- Vestfalinë në Gjermani kanë mungesë të policëve. Angazhimi i më shumë migrantëve mund ta zgjidhte problemin në Gjermani

E shtunë, 14 Dhjetor 2013 - 13:55 albinfo.ch

„Kudo kemi mungesa. Në shërbimin e përditshëm, në përpunimin e lëndës ose në parandalimin e kriminalitetit,” lëshon alarimin kryetari i sindikatës të landit të Renanisë Veriore- Vestfalisë të Sindikatës së Policisë Gjermane, Erich Rettinghaus.

Rreth 40 përqind e punonjësve të policisë në Renani Veriore- Vestfali të Gjermanisë janë më të moshuar se 50 vjeç. Në rastin e angazhimeve që kanë nevojë për shumë personel, si për shembull për të luftuar grabitjet e banesave nga banda evropianolindore – ndihet veçanërisht mungesa e policëve.

Së fundi policia u përpoq të rekrutonte punonjës të rinj duke transmetuar video me muzikë rap.

Në faqen e saj të internetit policia i drejtohet veçanërisht të rinjve me origjinë migranti. “Është e vështirë që të gjesh aplikantë të përshtatshëm në këtë fushë”, thotë Rettingshaus.

Vitin e kaluar, në të gjitha landin pati 1757 aplikantë me origjinë migranti. Por vetëm 161 qe e mundur të merreshin në punë – të tjerët nuk i plotësonin kushtet për punësim.

Edhe në Köln bëhen përpjekje intensive, për të fituar të rinj me origjinë migranti për profesionin e policit, thotë presidenti i policisë, Wolfgang Albers.

“Unë jam i gëzuar që kemi kolegë dhe kolege me origjinë migranti”.

Kjo është e rëndësishme, që të rinjtë në ambjentet e migrantëve të përgatiten për një perspektivë profesionale në radhët e policisë.

Një ofensivë publicitare te migrantët mund ta shtonte numrin e aplikantëve.

“Ne kemi një shoqëri multitetnike dhe jemi ndërkohë një vend ku migrojnë shumë vetë nga shumë kultura. Kjo pasqyrohet edhe në punën e policisë.”, tha Erich Rettingshaus.

Në shërbimin e përditshëm dëshirohet dhe duhet të përvetësohen kompetencat ndërkultuturore, për t’i kryer më me sukses misionet.

Përmes numrit më të madh të migrantëve në radhët e saj, policia shpreson që të ketë edhe një shkallë më të lartë pranimi në lagjet me më shumë migrantë.

Sepse në këto lagje situatat shpesh shkallëzohen, edhe sepse të rinjtë i respektojnë pak policët.

/dw/