Policia e Kosovës: Situatë e qetë në pikat kufitare Kosovë-Serbi

Kosova’nın kuzeyinde 24 Eylül’de polis ile silahlı Sırp grup arasında gün boyu çatışmaların yaşandığı Banjska köyü, AA ekibi tarafından görüntülendi. Kosova polisinin kuzey bölgesi müdür yardımcısı Veton Elshani, AA muhabirine açıklamalarda bulundu. ( Erkin Keçi - Anadolu Ajansı )

Zëvendësdrejtori i Policisë për rajonin e veriut, Veton Elshani, ka thënë se situata në veri është e qetë dhe se nuk është shënuar ndonjë incident në orët e fundit.

“Situatë e qetë, pa incidente”, ka thënë Elshani.

Pikat kufitare në Merdar dhe Bërnjak janë mbyllur mbrëmë pas veprimeve të protestueve serbë, ndërsa në Jarinje vazhdon bllokada për qytetarët me dokumente të Kosovës.

Lidhur me mbylljen e këtyre dy pikave njoftoi vetë ministri i Punëve të Brendshme, Xhelal Sveçla.

“Pas paralajmërimit të grupeve ekstremiste serbe për protesta sot pas orës 18:00, janë vërejtur grupe ekstremistësh të maskuar, të cilët në prani të policisë së Serbisë, brenda territorit të Serbisë, kanë ndaluar veturat dhe legjitimuar udhëtarët. Një familje, e cila po udhëtonte për në Gjermani, i është pamundësuar vazhdimi i udhëtimit dhe është kthyer prapa me forcë. Kjo po ndodh para syve të policisë së Serbisë, fakt ky që e bën atë bashkëfajtore. Këto akte fashiste, ku serbët lejohen pavarësisht dokumentacioneve që posedojnë, kurse shqiptarët pengohen pavarësisht dokumentacioneve që posedojnë, janë absolutisht të papranueshme për ne”, u shpreh mbrëmë Sveçla.

Ndërkohë, pas mbylljes së Bërnjakut ka reaguar edhe kryediplomatja Donika Gërvalla, e cila tha se kjo pikë do të qëndrojë e mbyllyur derisa të largohen personat e maskuar dhe të kthehet lëvizja e lirë.

Ajo u ka bërë thirrje ndërkombëtarëve që të ndalojnë presidentin e Serbisë e të mos lejojnë përshkallëzim të situate më tutje.