Kosova
Pjetër Shala dënohet me 18 vjet burgim
Trupi gjykues konstatoi se Pjetër Shala është fajtor për ndalim arbitrar të të paktën 18 personave në periudhën 17 maj – 5 qershor të vitit 1999
![](https://www.albinfo.ch/wp-content/uploads/2024/07/0-2024-07-16t150505-587x330.webp)
Ish-ushtari i Ushtrisë Çlirimtare të Kosovës, Pjetër Shala, u dënua me 18 vjet heqje lirie në Hagë.
Ai u shpall fajtor për veprat penale, ndalim arbitrar si krim lufte si pjesë e ndërmarrjes së përbashkët kriminale, torturë si krim lufte si pjesë e ndërmarrjes kriminale të përbashkët dhe vrasje të paligjshme si pjesë e ndërmarrjes së përbashkët kriminale.
Ndërkohë, u shpall i pafajshëm për trajtim mizor, pasi u llogarit se kjo vepër penale përfshihet në veprën penale të torturës, transmeton albinfo.ch.
Trupi gjykues konstatoi se Pjetër Shala është fajtor për ndalim arbitrar të të paktën 18 personave në periudhën 17 maj – 5 qershor të vitit 1999 në Fabrikën e Metalit në Kukës, trajtim torture në FMK dhe një rast vrasje si krim lufte kundër një personi në ose rreth datës 5 qershor në fabrikën e metalit në Kukës.
Viktimat e këtyre krimeve kanë qenë njerëz që dyshohej se kanë bashkëpunuar me Serbinë, ose nuk e kanë përkrahur UÇK-në dhe nuk kanë marrë pjesë në luftime.
Shala u ndalua marsin e vitit 2021 në Belgjikë dhe u transferua në Hagë prillin e atij viti nën akuzat e ndalimit arbitrar, trajtim mizor, torturë dhe vrasje e paligjshme.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë