Lajme
Pilotët e kompanisë Swiss parandaluan katastrofën ajrore në Nju-Jork
Fluturimi i Swiss LX17 u lejua të ngrihej nga pista 4L, ndërsa në të njëjtën kohë katër avionëve të tjerë iu dha leja të kalonin të njëjtën pistë
![](https://www.albinfo.ch/wp-content/uploads/2024/02/326044415_highres-587x392.jpg)
Një fatkeqësi për pak është arritur të shmangej në aeroportin JFK të Nju-Jorkut të mërkurën. Një përplasje u parandalua vetëm falë reagimit të shpejtë të pilotëve të kompanisë Swiss.
Fluturimi i Swiss LX17 u lejua të ngrihej nga pista 4L, ndërsa në të njëjtën kohë katër avionëve të tjerë iu dha leja të kalonin të njëjtën pistë, transmeton albinfo.ch. Por ekuipazhi i kabinës së avionit zviceran reagoi shpejt ndaj situatës së rrezikshme. “Nisje e ndërprerë. Ka trafik në pistë”, ka alarmuar ekuipazhi me radio, edhe pse avioni tashmë kishte marrë kursin e përshpejtimit.
Swiss ka konfirmuar incidentin për “20 Minuten” dhe ka vlerësuar reagimin profesional të ekuipazhit të saj. Sipas kompanisë ajrore, “një situatë potencialisht e rrezikshme u depërshkallëzua shpejt”.
Ekuipazhi i kabinës stërvit rregullisht në situata të tilla në simulator, thonë nga kompania Swiss. LX17 u kthye në pistë pas incidentit dhe u ngrit gjashtë minuta më vonë pa ndonjë incident të mëtejshëm.
Incidente të tilla nuk janë të reja në Shtetet e Bashkuara. Një incident i ngjashëm ndodhi në aeroportin e Portlandit vitin e kaluar, kur dy avionë iu afruan rrezikshëm njëri-tjetrit, përcjell albinfo.ch. Administrata Federale e Aviacionit Amerikan (FAA) më pas hapi një hetim.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë