Muzikë
Përparim Avdili: Fajtorët të bartin përgjegjësi konkrete për anulimin e Alba festivalit
"Është koha që të merret përgjegjësia dhe të pranohet seriozisht gabimi dhe të trajtohet - si mund të justifikohet ndryshe një shkelje e tillë e ligjit në këtë institucion?"
Dy ditë më parë, Jacqueline Fehr, pjesë e ekzekutivit të Kantonit të Cyrihut, ka publikuar vendimin e Gjykatës Administrative të Cyrihut, i cili e shpallte diskriminues anulimin e festivalit të muzikës shqiptare Albafestival të vitit 2021. Fehr ka qenë atëbotë në krye të qeverisë kantonale dhe rrjedhimisht, anulimi i mbajtjes së festivalit ishte në autorësi të saj.
Vetë Jacqueline Fehr pati kërkuar falje për veprimin e saj dhe më vonë Komisioni Federal kundër Racizmit e pati shpallur diskriminues atë vendim, të cilin tashmë edhe gjykata e ka vulosur si diskriminues. Por këtu nuk duhet të marrë fund e gjitha, mendon politikani Përparim Avdili, shkruan Albinfo.ch. Avdili është asamblist nga FDP në Parlamentin e Qytetit të Cyrihut, kryetar i FDP-së së qytetit dhe i angazhuar në organizimin e Alba Festivalit. Ai, në një koment të tij në rrjetin linkedin kërkon që përgjegjësia për vendimin diskriminues të shkojë deri në fund.
Në vazhdim, teksti i postimit të Përparim Avdilit.
“Gjykata Administrative e Cyrihut ka konfirmuar tashmë atë që ishte e qartë që në fillim: anulimi i Festivalit Alba 2021 nga këshilltarja qeveritare Fehr ishte qartësisht diskriminues dhe shkelje e nenit 14 të KEDNJ (Konventa Evropiane e të Drejtave të Njeriut).
Më në fund është koha që të merret përgjegjësia dhe të pranohet seriozisht gabimi dhe të trajtohet – si mund të justifikohet ndryshe një shkelje e tillë e ligjit në këtë institucion?
Në vend të kësaj, është vetë Festivali Alba që ende detyrohet të mjaftohet me justifikimet e autoriteteve. Kush i përshtatet qeverisë lejohet – kush jo, nuk lejohet. Kjo është e padenjë për një shtet kushtetues liberal. Më pas, gjykata administrative doli pikërisht në këtë përfundim, siç shihet nga citati i NZZ:
“Ajo që është veçanërisht interesante për vendimin aktual të gjykatës është krahasimi me “Paradën e Krenarisë” (Pride). Këshilli qeveritar e arsyetoi miratimin për parakalimin e komunitetit LGBT duke thënë se bëhej fjalë për një ngjarje politike, e cila ishte veçanërisht e rëndësishme për shkak të lirisë së shprehjes dhe të tubimit, edhe gjatë pandemisë. Përveç kësaj, përzierja e pjesëmarrësve në një paradë ishte më e vogël sesa në një festival muzikor, (kishte argumentuar qeveria).
Nga këndvështrimi i gjykatës, megjithatë, ky diferencim nuk është i lejueshëm. Ajo i referohet një vendimi të Gjykatës Federale, sipas të cilit, nga një këndvështrim thjesht epidemiologjik, grumbullimet e njerëzve me rrezik të krahasueshëm infeksioni duhet të trajtohen në mënyrë të barabartë. Pra, parakalimi në “Pride” ishte shumë i krahasueshëm me Festivalin Alba, edhe nëse ishte një ngjarje politike”.
E-Diaspora
-
Arbela Statovci: Një zë për integrimin, arsimin dhe sipërmarrjen Arbela Statovci po kandidon për zgjedhjet lokale të Bernës që mbahen më 24 nëntor të këtij...
-
18-vjeçarja shqiptare hap në Gjermani një ëmbëltore vetëm për gra
-
Në Hanau, hapet shkolla për mësim plotësues në gjuhën shqipe
-
Dua Lipa fiton një çmim në “MTV Video Music Awards”
-
Elite Invest Roadshow, një shans unik për afaristët shqiptarë
Jeta në Zvicër
-
Zvicër: Ligji të përfshijë në mënyrë eksplicite mospërdorimin e dhunës ndaj fëmijëve Dispozita e propozuar i detyron në mënyrë eksplicite prindërit që të rrisin fëmijët pa përdorimin e...
-
Aeroporti i Vjenës padit aktivistët e klimës për 36,000 euro
-
A është lufta e fundit e çmimeve të supermarketeve në Zvicër e mirë për blerësit?
-
TVSH-ja zvicerane do të rritet me 0.7 për qind për të financuar pagesën e pensionit të 13-të
-
Qiratë zvicerane pritet të vazhdojnë të rriten për shkak të mungesës së vendeve të lira