Lajme
Përfundoi festivali i filmit “Tri net Film Fest”
Në tri net të këtij festivali, i cili këtë vit kishte edicionin e tij të dytë, u shfaqën gjithsej 11 filma të shkurtër, të autorëve shqiptarë dhe zviceranë
![](https://www.albinfo.ch/wp-content/uploads/2023/11/trifilmfest-1-529x396.jpg)
Festivali “Tri net Film Fest” u zhvillua në Kino Pathé në Spreitenbach, nën organizimin e Studios “Aktrimi”, producentit Enis Shaqiri dhe regjisorit Ben Apolloni, ndërkaq albinfo.ch ishte sponsor medial i këtij festivali.
Në tri net të këtij festivali u shfaqën gjithsej 11 filma të shkurtër të autorëve shqiptarë dhe zviceranë.
Festivali zgjoi një interesim të madh tek artdashësit, sidomos në mbrëmjen e fundit.
Në mbrëmjen e fundit të festivalit, u shfaqën katër filma të metrazhit të shkurtër: NJË FËMIJË, nga Bekim Guri; CADILLAC DHE MANAFERRA, nga Suela Bako; SKENDERI, nga Sabri Pajaziti dhe NINULLË, nga Adrian Asllani.
Të gjithë filmat u ndoqën me interesim nga publiku dhe në fund, sikurse dhe në mbrëmjet tjera, përveç certifikatave të pjesëmarrjes për autorët e filmave, u bë edhe një prezantim e bashkëbisedim me ta nga moderatorët Xheneta Zuzaku dhe Ramadan Morina.
Kështu, Bekim Guri, Sabri Pajaziti dhe Adrian Asllani (Suela Bako nuk ishte e pranishme), patën një bashkëbisedim me publikun ku ata shpalosën edhe një njëherë motivet për të xhiruar filmat e tyre, rrugëtimin e filmit etj. Këtij bashkëbisedimi iu bashkëngjit edhe aktori Avni Dalipi i cili ka luajtur rolin kryesor në filmin Ninullë të Adrian Asllanit, film ky i cili së fundmi ka fituar tre çmime në festivalin e filmit “Zuger Filmtage” në Zug të Zvicrës.
Pas kësaj, në një nga lokalet e afërta, ishte e organizuar edhe “After Party” ku në shoqërimin e këngëtarit Bexhet Sallai të pranishmit u argëtuan me këngë, valle e dolli.
Të ngjashme
Të tjera nga Lajme
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë