Futboll
FCZ degradon Labinot Bajramin, babait i ndalohet hyrja në stadium
“Për shkak të mosdisiplinës dhe përgjigjes së tij vulgare ndaj udhëzimeve taktike të trajnerit, ai u transferua menjëherë përkohësisht në ekipin U21 në FCZ”
FC Zurich ndërmerr aksion pas rastit të goditjes me ombrellë, që ndodhi në Zug: Talenti i dalluar i sulmit në këtë skuadër, Labinot Bajrami u degradua dhe duhet të luajë sërish në U21 në të ardhmen. Ndërkohë babait të tij i ndalohet hyrja në stadium.
“Për shkak të mosdisiplinës së tij dhe përgjigjes së tij vulgare ndaj udhëzimeve taktike të trajnerit, ai u transferua menjëherë përkohësisht në ekipin U21 në FC Zurichut” njoftoi FCZ të mërkurën në mbrëmje, transmeton albinfo.ch. Ai gjithashtu duhet të paguajë gjobë.
Me këtë rast dënohet edhe babai i Bajramit. Pasi djali i tij u zëvendësua, ai, në nervozë e sipër kishte hedhur një ombrellë drejt trajnerit Ricardo Moniz. FC Zurich e përshkruan këtë incident, si dhe sjelljen e keqe verbale të lojtarit të Kombëtares, si “të pafalshme”.
Babait do t’i jepet një “ndalim disa vjeçar për hyrje në stadiume në të gjithë Zvicrën” për shkeljen, thuhet në deklaratën e klubit. Atij i ndalohet edhe hyrja në kompleksin sportiv FCZ. Sipas informacioneve të Blick, babai duhet të presë edhe ndjekje penale.
Trajneri Moniz thotë për blick :“E dua këtë sport. Por ky incident nuk kishte asnjë lidhje me futbollin. “Ky është një turp dhe shqetësues”. E gjithë çështja u shkaktua nga udhëzimet e tij urgjente ndaj Bajramit, të cilat ai nuk pranoi t’i ndiqte dhe bëri shamatën e përmendur, përcjell albinfo.ch. “Në ditët e sotme, lojtarët e rinj duan të arrijnë gjithçka me 50 për qind përpjekje, por kjo thjesht nuk është e mundur”.
E-Diaspora
-
Cyrih: Në prag të edicionit të tretë të “Zurich Shqip Up Comedy Festival” Tashmë përgatitjet kanë filluar për edicionin e tretë të “Zurich Shqip Up Comedy Festival”, duke e...
-
Petrit Halilaj hap ekspozitën “Abetare” në Nju-Jork
-
Agon Uka nga Suedia do të luajë për kombëtaren e Kosovës
-
Fehmi Stublla përfaqësoi Kosovën në gjysmëmaratonën e Stokholmit
-
Promovohet libri: “Si e zbuluam Zvicrën duke ecur. Një shtegtim nëpër alpe dhe histori”
Jeta në Zvicër
-
Tre shkurtime buxhetore që Zvicra dëshiron të bëjë, të cilat do të ndikojnë tek ju Kjo mund të jetë befasi për këdo që beson se Zvicra nuk ka probleme me paratë,...
-
Tetë gjërat që pronarët në Zvicër nuk mund t’i kërkojnë kurrë qiramarrësve
-
Pse do të jetë më e vështirë të gjesh punë në Zvicër këtë vjeshtë?
-
Çfarë duhet të dini për “ID-të elektronike” të Zvicrës?
-
Zvicra refuzon lëvizjen për të lehtësuar rregullat e bashkimit familjar për shtetasit zviceranë të natyralizuar