Shqipëria
Pas 4 muajsh udhëtimi me biçikletë, festojnë Krishtlindjen në Tiranë
Ata u patën nisur në mes të gushtit me qëllim që të kalojnë 19 shtete me biçikletë për të arritur gjerë në Vietnam. Mélanie Gentil, Florent Sioum dhe dy fëmijët e tyre, Milio dhe Loan, nga Bourg-Achard (Francë), janë të lumtur. Pas një nisje kaotike për shkak të motit dhe pajisjeve, katër udhëtarët arritën më në fund të gjejnë ritmin e tyre. Ata pushimin për Krishtlindjen e bënë në Shqipëri, me ç ‘rast ndajnë me ne ndjesinë e tyre pas katër muaj rrugëtimi.
Vetëm lumturi
“Ne jemi të gjithë mirë. Trupi ynë është mësuar me temperaturat e ftohta të dimrit dhe këmbët tona janë përshtatur pas kaq shumë kilometrash. Djemtë tanë duket të jenë mirë me shëndet dhe janë ende në gjendje të mirë, pavarësisht nga kilometrat e kaluara. Ndonjëherë lodhen, por pasi po pushojmë, po marrin forcë dhe guxim për të vazhduar”, shpjegon Melanie Gentil. “Ne jemi shumë të lumtur që kemi arritur t’i shkëputemi botës së përditshme. Kemi filluar të njohim ndryshe njëri-tjetrin, të jetojmë jetën tonë ndryshe, ndërsa kemi herë-herë edhe fazë me ulje dhe ngritje të motivimit, me qeshje dhe me lot”.
36-vjeçarja tregon një anekdotë: “Një ditë i kemi humbur pasaportat dhe të gjitha dokumentet tona në Kroaci. Kemi hetuar këtë vetëm katër ditë më vonë, ndërsa ne ishim strehuar në një strehë në ishullin Cres për t’u mbrojtur nga një stuhi. Dokumentet në fjalë i kishim harruar në një shtëpi në ndërtim, ku kemi fjetur. Pas 100 km udhëtim dhe 2.000 m dallime në lartësi, Florenti i ka gjetur çuditërisht, pak të lagur, por të gjithë dokumentet në një xhep”.
Sa i përket rehatisë, Melanie Gentil dhe Florent Sioum janë mjaft të qetë: “Për momentin, nuk na mungon asgjë thelbësore. Natyrisht, ne nuk kemi rehatinë e vendeve tona, por kjo na bënë mirë dhe mundëson t’u rikthehemi gjërave thelbësore”, përshkruajnë prindërit e rinj.
Atmosfera e Krishtlindjeve
Që nga fillimi i udhëtimit, katër çiklistët kanë takuar njerëz të ndryshëm dhe nganjëherë kanë bërë një copë rrugë edhe me udhëtarët e tjerë të nisur për të njëjtën aventurë.
“Kemi festuar Krishtlindjet me disa çiklistë francezë dhe qenin e tyre Lupo, që kanë marrë në Kroaci. Fëmijët e dinë se këtë vit nuk do të kalojë Babadimri, por ne e kemi festuar atë gjithsesi (me dhurata të vogla …)”
“Kemi kaluar shumë mirë këto festa dhe kemi ndarë këto momente me të dashurit tanë përmes internetit. Për më tepër, që nga ardhja jonë në Tiranë, gjendemi në një ambient tipik të Krishtlindjeve, rrugët, pemët dhe tregu janë të stolisura për Krishtlindje. Vetëm sheshi i patinazhit me akull po na mungon për të besuar se jemi në Francë”.
Në janar çiklistët do të nisen për në Greqi, ku familja dhe miqtë e tyre do t’u bashkohen. “Do të kalojmë dimrin në një vend të nxehtë, para se të kthehemi në Turqi”, përfundon Mélanie Gentil.
E-Diaspora
-
Shoqata “ILIRËT” do të prezantohet me këngë e valle shqiptare në qytetin Gland Si çdo vit, edhe këtë nëntor do të mbahet festa shumëkulturore e qytetit Gland, të shtunën,...
-
Kosovari nga Austria po voziste një veturë të vjedhur para 11 vjetëve
-
Kurti uron Ditën Kombëtare të Austrisë
-
“Siparantum” valëvit flamurin e Kosovës në Spanjë, krahas 32 shteteve
-
Arrestohet shqiptari nga Gjermania për keqpërdorim të fëmijëve në pornografi
Jeta në Zvicër
-
Qiratë e larta i pengojnë njerëzit të ndryshojnë apartamentet Edhe pse popullsia zvicerane po rritet me shpejtësi, numri i njerëzve që lëvizin është ulur ndjeshëm...
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja
-
Eurovision Song Contest në Bazel: EDU dorëzon referendumin