Partia e Vuçiqit raportohet se ka fituar 46.6 për qind të votave

Aleksandar Vuciq, Facebook

Sipas sondazheve të organizatës joqeveritare, Qendra për Zgjedhje të Lira dhe Demokraci, Lista e Partisë Përparimtare Serbe “Aleksandar Vuçiq – Serbia nuk guxon të ndalet”, ka fituar 46.6 për qind të votave, që nënkupton 129 ulëse në Parlament.

Në vendin e dytë është koalicioni opozitar “Serbia kundër dhunës”, me 23 për qind të votave apo 63 ulëse dhe në vendin e tretë është Partia Socialiste Serbe, me 23 për qind të votave apo 63 ulëse, përcjell REL.

Pragu për hyrje në Parlament është 3 për qind.

Presidenti Vuçiq ka thënë se partia e tij është rritur për 10 për qind, në krahasim me zgjedhjet e kaluara, ndërsa ka pretenduar se partia e tij ka fituar edhe në Beograd, përcjell albinfo.ch.

Në anën tjetër, kryeministrja serbe, Ana Bërnabiq, anëtare e Partisë Përparimtare Serbe, e ka shpallur fitoren e parties teksa ka hedhur poshtë deklaratat e mediave, opozitës dhe organizatave joqeveritare për parregullsi në zgjedhje, duke i quajtur si “gënjeshtra brutale”.