Lajme
Parmelin: Për të pavaksinuarit do të ketë më shumë kufizime
Presidenti federal, Parmelin thekson se personat që janë vaksinuar nuk mund të privohen nga liria vetëm për faktin se disa të tjerë nuk janë vaksinuar ende

Ata që nuk janë vaksinuar kundër Covid-19 duhet të përgatiten të pranojnë kufizime të caktuara për një periudhë më të gjatë kohore. Kështu ka thënë Presidenti Federal Guy Parmelin në një intervistë të botuar sot në “Sonnntagszeitung”.
Konkretisht, rregulli 2G në sektorin e kohës së lirë mund të duhet të qëndrojë më gjatë. 2G do të thotë që qasja, në lokale të ndryshme si për shembull në restorante, lejohet vetëm për personat e vaksinuar dhe ata që kanë dëshminë se janë shëruar nga korona.
Deri më tani, Këshilli Federal nuk ka miratuar ende përfundimisht një rregull të detyrueshëm 2G, por ia ka propozuar atë kantoneve, transmeton albinfo.ch.
Në intervistë, Parmelin thekson më tej se personat që janë vaksinuar nuk mund të privohen nga liria vetëm për faktin se disa të tjerë nuk janë vaksinuar ende.
Dhe nëse masat e fundit nuk sjellin relaksim, a do të mbyllen të pavaksinuarit? “Ne duam të parandalojmë një bllokim sa kohë që kjo të jetë e mundur” është shprehur Parmelin për gazetën.
“Duhet të vaksinojmë, të vaksinojmë, të vaksinojmë. Ata që absolutisht nuk duan të vaksinohen, do të infektohen”, përcjell albinfo.ch. Këshilli Federal do të marrë masa vetëm nëse ekziston rreziku i mbingarkesës së spitaleve në të gjithë Zvicrën.
Edhe pse vaksinimi po çalon, ai nuk e dëshiron vaksinimin me detyrim, ka thënë më tutje Presidenti Federal.
“Ne duhet të bindim njerëzit që të vaksinohen. Por edhe të pavaksinuarit duhet të jenë të vetëdijshëm se në fakt është një akt solidariteti që të vaksinohen tani. Dhe nëse ende nuk duan të vaksinohen, duhet të pranojnë se disa aktivitete mund të mos jenë të mundshme përkohësisht për ta”.
E-Diaspora
-
Studentët shqiptarë të Neuchâtelit promovojnë libra mbi luftën në Kosovë Shoqata e studentëve ANEA kishte mysafir profesor Nusret Pllanën, i cili ka mbajtur një ligjëratë mbi...
-
Në panairin BIOFACH 2025, produktet shqiptare në qendër të vëmendjes
-
Filharmonia e Kosovës shkëlqen në skenën e Bernës me Koncertin e Pavarësisë
-
Kinematografia shqiptare, në fokusin e festivalit italian Sudestival 2025
-
Vjenë: Mbrëmje letrare kushtuar “Letërsisë Gjermano-Shqiptare”
Jeta në Zvicër
-
Zvicra shikon flotën e trenave me shpejtësi të lartë për lidhjet evropiane Hekurudha Federale Zvicerane po shqyrton prokurimin e deri në 40 trenave të shpejtësisë së lartë që...
-
Pesë vjet më parë, Zvicra u mbyll nga Covid-19 duke u zhytur në pasiguri
-
Zvicër: Kërkohet të lehtësohen detyrimet kontraktuale me mjekët
-
Debat i posaçëm për azilin: Parlamenti dëshiron të kontrollojë më intensivisht kufijtë kombëtarë
-
Studentët shqiptarë të Neuchâtelit promovojnë libra mbi luftën në Kosovë