Osmani uron Metsolan: Do të vazhdojmë bashkëpunimin për avancimin e rrugës së Kosovës drejt BE-së

Presidentja Vjosa Osmani e ka uruar Roberta Metsolan për marrjen edhe të një mandati në krye të Presidencës së Parlamentit Evropian.

Në platformën X, Osmani ka theksuar se ka pritshmëri që të vazhdojë edhe më tutje bashkëpunimi me miken e Kosovës.

“Ndërsa vazhdoni të udhëhiqni Shtëpinë e Demokracisë së Evropës në këto kohë sfiduese, unë pres që të vazhdojmë bashkëpunimin tonë të shkëlqyer dhe të avancojmë rrugën e Kosovës drejt BE-së”, ka thënë Osmani.