Kosova
Osmani e Kurti, homazhe te varri i Rugovës
"Sot kujtojmë ata që nuk janë në mesin tonë, falë të cilëve kemi lirinë"
Për nder të 13-vjetorit të Pavarësisë së Republikës së Kosovës, ushtruesja e detyrës së presidentit, Vjosa Osmani dhe lideri i Lëvizjes Vetëvendosje (LVV), Albin Kurti, sot kanë bërë homazhe te varri i Presidentit Ibrahim Rugova, përcjell albinfo.ch.
Pas homazheve, në një prononcim për media, Osmani i ka uruar të gjithë qytetarët e Kosovës për 13-vjetorin e Pavarësisë së Kosovës.
Ajo tha se me homazhet te varri i i Presidentit Rugova nderuan arkitektin e Pavarësisë së Kosovës.
“Më lejoni t’i uroj qytetarët e Kosovës për këtë ditë të madhe. Ne sot filluam ceremoninë me ngritjen e flamurit shtetëror nga ushtria jonë, FSK-ja dhe tani po vazhdojmë me homazhe te njerëzit që kanë dhënë gjithçka që ne sot ta gëzojmë lirinë e Pavarësinë. E nderuam arkitektin e pavarësisë së Kosovës, njeriun që sublimoi dhe unifikoi kërkesat e qytetarëve për liri dhe Pavarësi dhe sovranitet, për njeriun që i hapi dyert e botës në mënyrë që zëri ynë të kumbojë dhe dëgjohet kudo”, tha Osmani.
Edhe lideri i LVV-së, Kurti, duke uruar qytetarët e Kosovës për 13-vjetorin e pavarësisë, tha se shpreson që përvjetori i 14-të të gjejë Kosovën më të zhvilluar dhe më demokratike.
“Urime, gëzuar përvjetori i 13-të i Pavarësisë së Kosovës, me shpresim dhe besim se viti i 14-të i shtetit tonë të pavarur do të jetë me drejtësi me demokratizim si dhe zhvillim. Andaj, sot kujtojmë personalitet politike – kombëtare historike, të cilët kontribuuan në faza e mënyra të ndryshme, andaj vendosëm lule të freskëta të Presidenti i parë Ibrahim Rugova, i cili ishte Presidenti i parë në Kosovë, për të vazhduar me aktivitete të tjera”, u shpreh Kurti.
Ai po ashtu kujtoi dëshmorët dhe martirët që kontribuuan për këtë të rëndësishme.
“Falënderojmë të gjithë qytetarët e Kosovës që kanë kontribuar për këtë ditë të rëndësishme, dhe kujtojmë të gjithë dëshmorët e martirët, ata të cilët nuk janë më në mesin tonë e falë të cilëve e kemi lirinë, por edhe të cilëve u mungon drejtësia për krimet të cilat janë kryer ndaj nesh”, ka thënë ndër të tjera Kurti.
E-Diaspora
-
Si do të votojnë shqiptarët në Amerikë? Derisa kanë mbetur më pak se tre javë nga dita e zgjedhjeve presidenciale të 5 nëntorit...
-
Kurti: Pa diasporën, Kosova nuk do ta gëzonte lirinë dhe zhvillimin
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
Jeta në Zvicër
-
Zvicra nënshkruan deklaratën e anëtarësimit në “Sky Shield” Zvicra është vendi i 15-të që i bashkohet nismës evropiane të mbrojtjes ajrore. Shefi zviceran i...
-
Mbi 60% e zviceranëve mbështesin reformën për financimin e shërbimeve shëndetësore
-
Sa ka ndryshuar tregu i punës në Zvicër?
-
Studimi: Zviceranët janë në favor të zgjerimit të rrugëve
-
Bernë: Këshilli Bashkiak jep sinjalet e para pro pilot-projektit për të ardhurat e pakushtëzuara