Kosova
Osmani: Arbëreshët e Italisë, pjesë e çmueshme e identitetit dhe kulturës shqiptare
![](https://www.albinfo.ch/wp-content/uploads/2024/07/screenshot_20240722_191058_facebook-587x387.jpg)
Kryetari i Komunës arbëreshe të Strigarit, Damiano Baffa, po zhvillon një vizitë në Kosovë.
Presidentja e Kosovës, Vjosa Osmani, priti sot në takim kryetarin e Komunës arbëreshe të Strigarit, Damiano Baffa.
Sipas presidentes Osmani, identiteti kulturor e gjuhësor arbëresh është pjesë e çmueshme e identitetit dhe e kulturës shqiptare.
Në këtë kontekst, Osmani theksoi se Kosova mbetet e përkushtuar dhe e angazhuar për ruajtjen e identitetit arbëresh si dhe përmirësimin e pozitës së tyre në shtetin italian.
Në takim u diskutua mbi mundësinë e bashkëpunimit të Strigarit me komunat e Kosovës në funksion të promovimit të kulturës arbëreshe në Kosovë dhe anasjelltas, si dhe ruajtjes së trashëgimisë e shkëmbimeve kulturore.
Edhe kryeministri Albin Kurti priti në takim kryetarin e Strigarit, Damiano Baffa, komunë kjo arbëreshe në rajonin e Kalabrisë dhe në afërsi të qytetit Kozenca, në jug të Italisë.
Në takim u diskutua mbi mundësitë për bashkëpunim ndërmjet Komunës së Strigarit dhe komunave arbëreshe me komunat e Kosovës, në projekte të cilat prekin veçanërisht fushën e kulturës.
Kryeministri Kurti shprehu gatishmërinë për bashkëpunim edhe në organizimin e aktiviteteve për promovimin e kulturës arbëreshe në Kosovë dhe anasjelltas, por edhe seminare të përbashkëta për të thelluar dijen mbi njohjen e rolit të rëndësishëm të arbëreshëve.
Kryetari Baffa tha se ndihet i nderuar dhe i lumtur që ndodhet në Kosovë, e ku vlerësoi pritjen kushtuar tij, të cilën e cilësoi të jashtëzakonshme. Ai shtoi se komuniteti i arbëreshëve në Itali, në zonën e Kalabrisë, që 600 vjet ruajnë traditën, kulturën e gjuhën arbëreshe.
Gjatë kësaj vizite, kryetari Baffa i dhuroi kryeministrit Kurti librin me poezi të autorit arbëresh Giuseppe Serembe dhe e ftoi për një vizitë në Strigari dhe komunat arbëreshe.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë