Shqipëria
Operacione antidrogë në Belgjikë, në shënjestër grupet me shqiptarë
![](https://www.albinfo.ch/wp-content/uploads/2018/02/policia-belgjike-587x352.png)
17 persona janë arrestuar në vende të ndryshme europiane, përfshi Belgjikën, Gjermaninë, Francën, Italinë, Holandën dhe Austrinë, pas një hetimi të gjerë që kishte në shënjestër grupe të organizuara kriminale me shqiptarë.
Policitë e këtyre shteteve kryen operacione të ndryshme të martën, si rezultat i të cilave 11 persona u arrestuan vetëm në Belgjikë, ndërsa 6 të tjerë pritet të ekstradohen në këtë shtet.
Gjatë kërkimeve, autoritetet sekuestruan 100 kilogramë lëndë narkotike, kokainë dhe amfetaminë, si dhe armë zjarri, substanca kimike, jelekë antiplumb dhe rreth 265 mijë paund para kesh.
Mediat belge konfirmojnë se hetimet u nisën në vitin 2023 nga autoritetet belge, pas zbulimit të një magazine në Antverp, ku u gjetën pako boshe që përdoreshin për mbajtjen kokainës dhe heroinës, si dhe materiale që përdoreshin për paketimin e lëndëve narkotike. Hetimet i çuan autoritetet belge te një grup shqiptarësh nga Vlora.
Sipas dyshimeve, ata blinin substanca të mëdha kimikatesh për hollimin e drogës dhe ua ofronin këtë shërbim organizatave të tjera kriminale. Sipas raportimeve, lënda narkotike vinte nga Amerika Latine.
Një tjetër procedim nisi në fund të vitit të kaluar, ku në një celular të kontrolluar nga policia u gjetën disa prova që çuan në identifikimin e të dyshuarve.
Edhe pse anëtarët e dy grupeve kanë pasur kontakte me njëri-tjetrin, procedimet mbeten të ndara për momentin.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë