Lajme
Një porcion drogë për vjedhjen e një biçiklete
Marrëveshja e ofruar nga siriani, kosovari dhe shtetasi serb: një porcion drogë për një biçikletë. Autorët kishin një adresë në Kosovë ku i dorëzonin biçikletat
![](https://www.albinfo.ch/wp-content/uploads/files/velo.png)
Në Olten (Solothurn), pesë persona kanë vjedhur një numër të madh biçikletash në vitin 2020. Ky grup i mirëstrukturuar tani është gjykuar nga Gjykata Kantonlae e Solothurnit.
Autorët kishin përdorur një hierarki të zgjuar, gjatë vjedhjeve: një shtetas i Serbisë udhëhiqte grupin nga prapavija dhe një kosovar vepronte si ndërmjetës i tij, transmeton albinfo.ch. Së bashku ata i jepnin një siriani udhëzime për të vjedhur biçikletat në Zvicër. Siriani, nga ana tjetër, i bënte presion një portugezi dhe një zvicerani për vjedhjen e drejtpërdrejtë të biçikletave.
Siç shkruan “Solothurner Zeitung”, si zvicerani ashtu edhe portugezi ishin të varur nga droga. Marrëveshja e ofruar nga siriani ishte: një porcion drogë në këmbim të një biçiklete.
Mallrat e vjedhura paketoheshin më pas nga hierarkia e mesme e bandës dhe ngarkoheshin në kamionët e transportit. Autorët kishin një adresë në Kosovë ku i dorëzonin biçikletat.
Njëra nga këto biçikleta, e cila kishte të instaluar një transmetues GPS dhe vëzhgimet e përdorura gjatë hetimit çuan përfundimisht në arrestimin e hajdutëve. Të pesë personat janë dënuar me burg në janar të vitit 2023.
Pasi tre nga autorët kishin apeluar vendimet gjyqësore, dënimet me burg kanë pësuar një reduktim të vogël në procesin gjyqësor të zhvvilluar këtë javë.
Pasi gjykata e qarkut e kishte dënuar kosovarin me 44 muaj burgim, gjykata më e lartë (ajo kantonale) i ka ulur atij dënimin në 35 muaj (23 prej të cilëve me kusht), përcjell albinfo.ch. Sirianit i është ulur dënimi me burg nga 36 muaj në 30, nga të cilat 18 janë me kusht. Ndërsa shtetasi i Serbisë tani përballet me 48 muaj burg në vend të pesë viteve (60 muajve) që i ishin dhënë nga gjykata e qarkut.
Të tre, pas mbajtjes së dënimit duhet të lëshojnë Zvicrën, për periudha të ndryshme: siriani dhe kosovari nga gjashtë vjet, ndërsa shtetasi i Serbisë, 8 vjet.
Të ngjashme
Të tjera nga Lajme
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë