Integrimi
Pushimet në atdhe, tema e numrit më të ri të magazinës albinfo.ch
Duke përvijuar hartën e turizmit të shqiptarëve nga diaspora jemi përpjekur për të përfshirë të gjithë itineraret turistike brenda trojeve shqiptare
![](https://www.albinfo.ch/wp-content/uploads/2022/07/291976369_578953126918562_5060922288874608428_n.jpg)
Vera dhe me të edhe koha e pushimeve, tashmë ka ardhur. Temë dhe pyetje mbizotëruese në bisedat tona është: Ku po shkojmë këtë vit për pushime. Prandaj, në një atmosferë të tillë nuk kishte si t`i shmangej kësaj teme as albinfo.ch, gjegjësisht numri më i ri i magazinës me këtë emër.
Kështu, numri që sapo ka dalë nga shtypi përmban një bllok tematik që u kushtohet pushimeve të mërgatës sonë. Dhe, kur flasim për turizmin e mërgimtarëve, atëherë dihet: kemi të bëjmë me pushimet e pashmangshme në atdhe. Dhe, duke përvijuar gjeografinë e turizmit të shqiptarëve nga diaspora gazetarët tanë kanë bërë përpjekje për të përfshirë të gjithë itineraret turistike brenda trojeve shqiptare.
Kështu, harta fillon me Kosovën. Në artikullin “Bjeshkët e Kosovës, në pritje për tu shijuar” bëhet një shpalosje e disa prej perlave të turizmit malor në Kosovë. bjeshkët e Rugovës, ato të Sharrit dhe Bjeshkët e Nemuna ose Alpet Shqiptare ja vlejnë të vizitohen dhe jo vetëm gjatë pushimeve verore. Ky është mesazhi që del nga artikulli dhe nga fotografitë e mrekullueshme të mjeshtërve të fotografisë nga Kosova.
Harta vazhdon me Shqipërinë, gjegjësisht bregdetin shqiptar, pa të cilin tash sa vite nuk mund të imagjinohen pushimet verore të shqiptarëve nga diaspora. Dy artikuj që i janë kushtuar Shqipërisë turistike na ftojnë për një eksplorim të vendit që dita ditës po shndërrohet në një “zbulim” turistik edhe në nivele tej ballkanike.
Pastaj vjen Ulqini. I njohur si pushimorja tradicionale e shqiptarëve nga Kosova, Maqedonia etj. ky qytet piktoresk zotohet se do të ruajë dhe mbase edhe të shtojë numrin e vizitorëve, këtë verë.
Përtej temës së pushimeve, në këtë numër mund të gjeni edhe tema të tjera, që lidhen me (kryesisht) diasporën shqiptare në Zvicër. Kemi portrete, intervista, prezantime të ndryshme të njerëzve nga kjo diasporë, që kanë për të thënë dhe ofruar diçka të vlefshme në lëmin e tyre.
Magazinën albinfo.ch mund ta gjeni, falas, në pothuaj të gjitha ambientet që frekuentohen nga shqiptarët, në Zvicër.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë