Kosova
Një vit nga trazirat në Zveçan, KFOR-i kërkon përgjegjësi
Një vit nga sulmet ndaj KFOR-it në Zveçan, misioni paqeruajtës: Autorët duhet të mbahen përgjegjës
![](https://www.albinfo.ch/wp-content/uploads/2023/10/584912855_highres-587x392.jpg)
Sot, misioni i NATO-s në Kosovë ka kërkuar edhe një herë që autorët e sulmeve ndaj pjesëtarëve të KFOR-it gjatë protestave të Zveçanit një vit më parë, të mbahen përgjegjës, përcjell albinfo.ch.
Në njëvjetorin e trazirave në Zveçan, në një komunikatë për media të mërkurën, KFOR-i ka thënë se sulmi ndaj pjesëtarëve të tij ishte i papranueshëm.
Në veri, tensionet u rritën vitin e kaluar pasi Policia e Kosovës asistoi që në ndërtesat komunale të hynin kryetarët e rinj shqiptarë. Kjo u kundërshtua nga popullata vendase serbe, që nuk pranoi rezultatet e zgjedhjeve lokale të prillit, votime që i bojkotoi. Situata u përshkallëzua më 29 maj, kur serbët u përleshën me KFOR-in. Ishin lënduar 93 pjesëtarë të KFOR-it, disa prej të cilëve morën lëndime të rënda.
“Sot ne nderojmë shërbimet dhe sakrificat e bashkëluftëtarëve tanë, të cilët e vunë jetën në rrezik, për t’i kryer detyrat e tyre për të gjitha komunitetet që jetojnë në Kosovë, në përputhje me mandatin e misionit tonë në OKB. Guximi i tyre ndihmoi të stabiliziohej situata në zonë dhe të parandalojë përshkallëzimin e mëtejmë”, ka thënë Ulutash, sipas komunikatës.
“NATO-ja thekson se faktet duhet të vërtetohen dhe që autorët duhet të mbahen përgjegjës”, thuhet në këtë komunikatë.
Sipas njoftimit, pas dhunës që shpërtheu në veri, NATO-ja ka dislokuar rreth 1000 ushtarë shtesë dhe ka sjellë forca të blinduara shtesë në Kosovë. Është rritur prania e KFOR-it në veri e janë shtuar patrullimet, përfshirë ato në kufi.
“Ky ka qenë përforcimi më i madh i kontingjentit tonë në Kosovë në një dekadë; dhe kjo tregon se NATO-ja qëndron e gatshme për të ruajtur paqen”, thuhet në komunikatë.
Të tjera nga Kosova
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë