Një km rrugë në Shqipëri kushton 12.2 milionë euro

Shqipëria renditet si një ndër vendet me koston të lartë të ndërtimit të rrugëve në Evropë. Para saj është vetëm Austria

Edhe pse mendohej se autostrada Prishtinë-Prizren kishte çmimin më të madh për kilometër, disa statistika tregojnë se këtë primat nuk e mban Kosova, por një vend fqinj i saj.

Shqipëria renditet si një ndër vendet me koston të lartë të ndërtimit të rrugëve në Evropë. Para saj është vetëm Austria, përcjell albinfo.ch.

Në bazë të një analize të bërë nga World Highway për kostot për ndërtimin e autostradave rezulton se Austria shpenzon më shumë dhe ka një kosto prej 12.8 milionë eurosh, ndërkohë që në Shqipëri një km rrugë kushton 12.2 milionë euro për kilometër.

Kjo statistikë është nxjerr duke u bazuar në përllogaritjet e çmimit për ndërtimin e rrugës Thumanë-Kashar. Qeveria shqiptarë parashikon ndërtimin e një sërë segmentesh rrugore në Shqipëri në bashkëpunim me privatin për të cilat kostoja e parashikuar është e lartë.

Pavarësisht kostos së lartë të ndërtimit të autostradave në Shqipëri problem mbetet mirëmbajtja e tyre pasi fondet e vëna në dispozicion janë shumë të vogla.