Kosova
Një festë magjepsëse për Ditën Kombëtare të Zvicrës në Kosovë
Jürg Sprecher iu drejtua qindra të ftuarve dhe partnerëve në pritjen për të shënuar Ditën Kombëtare të Zvicrës.
Dita Kombëtare e Zvicrës u festua edhe në Kosovë me pritje solemne nga Ambasadori i Zvicrës në Kosovë, Jürg Sprecher, shkruan albinfo.ch.
Jürg Sprecher iu drejtua qindra të ftuarve dhe partnerëve në pritjen për të shënuar Ditën Kombëtare të Zvicrës.
Në festën e sivjetme të Ditës Kombëtare të Zvicrës, pati përfaqësues nga komuniteti diplomatik zviceran, nga qeveria e Kosovës, ku i pranishëm ishte edhe kryeministri i Kosovës, Albin Kurti së bashku me stafin e tij qeveritar, si dhe nga shoqëria civile dhe media.
Në fjalimin e tij, ambasadori i Zvicrës në Kosovë, Jürg Sprecher, falenderoi të gjithë të pranishimit që ndanë kohë për të festuar së bashku “Ditën Kombëtare të Zvicrës” në 733 vjetorin e pavarësisë.
Ambasadori theksoi rëndësinë e bashkëpunimit me shtetin e Kosovës për vite me radhë.
Edhe kryeministri i Kosovës, Albin Kurti mori pjesë në këtë event feste kushtuar shtetit të Zvicrës, teksa e quajti një aleat kyç shtetin e Zvicrës, fjalën e tij kryeministri Kurti e filloi duke falënderuar Zvicrën për përkrahjen e palëkundur ndaj Kosovës përgjatë viteve e miqësinë mes shteteve tona, si dhe theksoi veçanërisht strehimin e refugjatëve atje gjatë luftës së fundit dhe gjenocidit ndaj vendit tonë.
“Me kalimin e kohës, lidhjet tona janë intensifikuar dhe janë zgjeruar. Ne kemi bashkëpunuar në fushën e sigurisë dhe jemi mirënjohës për vendosjen e misionit Swisscoy, e cila ka rritur sigurinë e vendit tonë. Agjencia Zvicerane për Zhvillim ka luajtur gjithashtu një rol të rëndësishëm në nxitjen e zhvillimit të qëndrueshëm në bujqësi, ndër shumë bashkëpunime të tjera.” u shpreh kryeministri.
Më tej, ai përmendi dhe mbajtjen e takimit të parë të grupeve parlamentare të miqësisë Kosovë-Zvicër si dhe vlerësoi mbështetjen e Zvicrës në anëtarësimin e Kosovës në organizata ndërkombëtare, e në veçanti Këshillit të Evropës, por edhe shkëmbimet tregtare dhe përpjekjet e Kosovës për anëtarësim në EFTA dhe rritjen e eksporteve me Zvicrën me rreth 26% në pesë vitet e fundit.
“Kryeministri rikujtoi dhe vizitat e shpeshta dhe ato të fundit drejt Zvicrës, të cilat kanë shërbyer jo vetëm në thellimin e marrëdhënieve mes shteteve, por edhe rritjes së kontakteve me diasporën tonë atje, e cila po luan një rol gjithmonë e më të rëndësishëm në investime drejt vendit tonë si dhe në jetën shoqërore në Zvicër, përfshirë atë politike ku zvicerani i parë me origjinë shqiptare Islam Alijaj u zgjedh dhe si pjesë e Këshillit Kombëtar”, thuhet në njoftimin e ZKM-së. /Albinfo.ch
Të tjera nga Kosova
E-Diaspora
-
Shqipëri: Kostot për votimin e diasporës – një pjesë mbulohet nga shteti e pjesa tjetër nga votuesit Për herë të parë në zgjedhjet e pranverës 2025 shtetasit shqiptarë që jetojnë dhe punojnë jashtë...
-
Liridona Makica zgjidhet Sipërmarrësja e Vitit 2024 nga Swissalbs
-
Don Marjan Marku: Të promovohet dialogu ndërfetar dhe ndërkulturor
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
Jeta në Zvicër
-
Nuk arrihen synimet e qeverisë zvicerane për veturat elektrike Mungesa e pikave publike të ngarkimit të përballueshëm mund t'i bëjë blerësit e mundshëm të automjeteve...
-
Murat Yakin pas humbjes nga Spanja: Nëse Xhaka mungon, nuk ka zgjidhje
-
Lojërat Paraolimpike, Zvicra merr 21 medalje
-
Çfarë fshihet pas sistemit të pensioneve me tri shtylla?
-
Këtë javë pritet të ketë borë në Zvicër