Lajme
Nga nesër, nuk mund të hyhet në Zvicër pa test negativ
Të dhënat e pothuajse të gjithë njerëzve që hyjnë në Zvicër do të regjistrohen sistematikisht, pavarësisht nëse ata arrijnë me aeroplan, anije, autobus apo tren

Siç është paralajmëruar ditë më parë, duke filluar nga nesër, e hënë, 8 shkurt, hyjnë në fuqi rregulla të ashpërsuara për hyrjen në Zvicër. Ky është vendim që e ka sjellë Këshilli Federal më 31 janar.
Të gjithë udhëtarët nga jashtë që udhëtojnë me aeroplan duhet të tregojnë një test negativ para se të nisen për në Zvicër, shkruan srf.ch. Ai nuk duhet të jetë më i vjetër se 72 orë. Nga detyrimi përjashtohen fëmijët nën moshën dymbëdhjetë vjeçare, transmeton albinfo.ch.
Ndërsa ndryshimi tjetër është se koha e karantinës mund të shkurtohet nga dhjetë në shtatë ditë.
Siç është paralajmëruar tashmë, detyrimit të karantinës i nënshtrohen ata që vijnë nga vendet të cilat Zvicra i ka vendosur në listën e vendeve me rrezik. Ndërsa detyrimi i testit negativ vlen për të gjithë që vijnë me rrugë ajrore, pavarësisht.
Nga ana tjetër, ata që vijnë në rrugën tokësore, detyrohen të tregojnë testin negativ vetëm nëse kanë ardhur nga vendet që janë në listën e rrezikut.
Përveç kësaj, tani e tutje të dhënat e pothuajse të gjithë njerëzve që hyjnë në Zvicër do të regjistrohen sistematikisht, pavarësisht nëse ata arrijnë me aeroplan, anije, autobus apo tren. Qeveria federale ka krijuar një formë të re elektronike për këtë regjistrim.
Nga detyrimi i regjistrimit përjashtohen vetëm njerëzit nga zonat kufitare që udhëtojnë rrugës tokësore (përveç me tren).
Karantina dhjetë ditore nga kontakti i fundit me një person të infektuar ose kur hyni nga një zonë rreziku mund të shkurtohet, përcjell albinfo.ch. Parakusht për këtë është që personi në fjalë të mund të testohet pas shtatë ditësh dhe rezultati të dalë negativ.
Kërkohet gjithashtu miratimi nga autoriteti përgjegjës i kantonit. Kostoja e testimit duhet të përballohet nga personi. Detyrimi për karantinë nga nesër vlen edhe për fëmijët.
BAG njofton se detyrim të testit negativ kanë edhe ata që aeroportet e Zvicrës i përdorin si transit.
E-Diaspora
-
Defekte të shumta në mjetin transportues, gjobitet shoferi kosovar Shoferi është raportuar në Prokurorinë Publike të Kantonit të Schaffhausenit dhe duhej të paguante një gjobë...
-
Forcimi i Lidhjeve Ekonomike mes Diasporës Shqiptare dhe Zvicrës
-
Qëllohet para shtëpisë së tij, humb jetën 40-vjeçari shqiptar në Francë
-
Votat nga diaspora në dy qendrat evropiane në Bruksel e Strasburg
-
Si u votua në Berlin të Gjermanisë?
Jeta në Zvicër
-
Dita Botërore e Sëmundjeve të Rralla, sfidat dhe nevojat e të prekurve Sot, më 28 Shkurt shënohet Dita e Sëmundjeve të Rralla. Sëmundjet e rralla janë të rralla,...
-
Defekte të shumta në mjetin transportues, gjobitet shoferi kosovar
-
Pse Spitali Universitar i Cyrihut është ndër më të mirët në botë?
-
Gjithçka që duhet të dini për kujdesin spitalor në Zvicër
-
Një mijë ushtarë zviceranë do të shkojnë në Austri për stërvitje ushtarake