Futboll
Nesër Superkupa Kosovë – Diasporë
![](https://www.albinfo.ch/wp-content/uploads/2018/10/diasporta-541x396.jpg)
Në fillim të orës 13:00, Prishtina pret klubin shqiptar nga Gjermania, AKV Bardhosh Gërvalla.
Sot në ambientet e stadiumit “Fadil Vokrri” të Prishtinës, të organizuar nga Federata e Futbollit të Kosovës, u mbajt konferencë e përbashkët ndërmjet dy klubeve para ndeshjes e cila do të zhvillohet nesër.
Ishte Miftar Dragidella, sekretar i Federatës së futbollit shqiptar në Gjermani i cili informoi rreth organizimit të klubeve shqiptare në Diasporë.
“Ndeshjet e Superkupës Diasporë – Kosovë, organizohen nga viti 2002. Ndërsa nga viti 2014 janë inkorporuar edhe klubet shqiptare nga Zvicra. Në Gjermani ekzistojnë 33 klube shqiptare me 76 ekipe zinxhir dhe një skuadër e femrave. Duhet theksuar se ardhja e klubeve shqiptare nga Gjermania në Kosovë është shumë e shtrenjtë me mjete vetanake dhe shumë pak të ndihmuar nga anash. Por, është kënaqësi e jona të vazhdojmë këtë aktivitet sa më gjatë që mundemi”.
Kurse, drejtori sportiv i FC Prishtina, Arbnor Morina duke iu dëshiruar mirëseardhje bashkatdhetarëve, tha: “Besojmë se duhet vazhduar kjo traditë që e vlerësojmë si të mirë, që afron bashkatdhetarët tanë më afër vendlindjes dhe në mes nesh”.
Ndërsa, trajneri Debatik Curri që sot përfaqësoi shtabin teknik ka theksuar se kjo ndeshje miqësore beson se do t’ju shërbej atyre shikuesve që do të jenë prezent të kënaqen në një ndeshje futbolli e cila rezultatin nuk e ka primare. “Besoj se do të jetë ndeshje interesante”, ka thënë Curri.
Kapiteni i skuadrës mike, Fatos Povata ka vlerësuar Prishtinën si skuadër profesioniste. “Jemi të vetëdijshëm se ne si skuadër amatore e kemi të vështirë të përballemi me një skuadër profesioniste siç është Prishtina, por shpresojmë që të lëmë përshtypje sa më të mirë”.
Duhet ritheksuar se ndeshja e nesërme për publikun është gratis. Ndërsa Prishtina pritet të luaj me ekip të kombinuar dhe disa juniorë përshkak se pas dy ditësh ka ndeshje kampionale kundër Gjilanit.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë