Lajme
Nënë e fëmijë humbin jetën nga rrëzimi i trungut të pemës
Në pjesën e sipërme të faqes së shkëmbit, një trung peme është shkëputur dhe ka rënë në rrugë, ku ka goditur dy personat

Një grua 42-vjeçare dhe djali i saj gjashtë-vjeçar kanë marrë lëndime vdekjeprurëse nga një trung peme i rrëzuar në Alte Badstrasse në Pfäfers, në Kantonin St. Gallen, transmeton albinfo.ch. Gruaja po udhëtonte me djalin e saj dhe njerëz të tjerë në rrugën me zhavorr nga Bad Ragaz-i në drejtim të Grykës së Taminës.
Rruga kufizohet nga të dy anët me një shkëmb thuajse vertikal dhe një përrua.
Në pjesën e sipërme të faqes së shkëmbit, një trung peme është shkëputur dhe ka rënë në rrugë, ku ka goditur dy personat nga kantoni Appenzell-Ausserrhoden.
Ekipet e shpëtimit dhe mjeku i urgjencës kanë arritur vetëm të konstatojnë vdekjen e dy personave, shkruan srf.ch. Është thirrur ndihma e parë psikologjike për t’u kujdesur për të afërmit.
Alte Badstrasse është një rrugë e rrafshët me zhavorr që të çon nga Bad Ragaz në Grykën Tamina. Qindra njerëz e përdorin shtegun për shëtitjet e tyre.
Pas incidentit, të gjitha shtigjet e ecjes në zonë janë mbyllur. Rruga nga Bad Ragaz në restorantin Altes Bad Pfäfers është e mbyllur deri të hënën në mbrëmje, përcjell albinfo.ch. Rruga rreth katër kilometra do të kontrollohet nga ekspertët të hënën.
Alte Badstrasse inspektohet vizualisht tri herë në javë nga punonjësit e inspektoratit rrugor në Buchs. Kontrolli i fundit ishte të premten pasdite. Në pranverë, shtegu kontrollohet nga ekspertët e pyjeve dhe priten pemët nëse është e nevojshme.
Të ngjashme
Të tjera nga Lajme
E-Diaspora
-
Leonard Ferati reagon ndaj debatit për votimin komunitar: “Është demokraci lokale, jo sistem i organizuar” Ndërsa në komunat Vernier dhe Meyrin janë vërejtur disa anomali statistikore që kanë nxitur sërish debatin...
-
Çka duhet të dini para se të bleni një shtëpi në Zvicër?
-
Shkel linjën e sigurisë dhe nget makinën me patentë kosovare: Gjobitet kosovarja
-
Itali: Studentët nga universiteti “La Sapienza” bëjnë homazhe për shqiptaren e vrarë
-
Forbes rendit Mihane Sadikun si sipërmarrëse profesioniste
Jeta në Zvicër
-
Zvicra po përgatitet për murtajën e derrave Italia veriore dhe Gjermania po raportojnë tashmë raste të derrave të egër të infektuar. Zvicra po...
-
Çfarë rekomandon qeveria zvicerane që të hani për të qenë të shëndetshëm?
-
Kantonet frëngjisht-folëse, kampione në mbledhjen e nënshkrimeve për iniciativat popullore
-
Teleferikët zviceran përjetuan sezon të suksesshëm dimëror
-
Zvicra formon task forcë kundër kriminelëve të huaj