Kosova
“Neja me diasporën”, një aktivitet model që afron diasporën me atdheun
Në kuadrin e tij ka pasur forume, takime, koncerte, kuize, ekspozita, orë letrare, panaire, turnire, animacione me fëmijë e të tjera
Ashtu siç ishte paralajmëruar, dje, më 30 korrik platforma mediale në Zvicër, Albinfo.ch dhe albpoint.ch kanë realizuar ngjarjen e veçantë kushtuar bashkatdhetarëve “Neja me diasporën”. Aktiviteti është mbajtur në resortin turistik Vali Ranch, në Përlepnicë të Gjilanit dhe në kuadrin e tij ka pasur forume, takime, koncerte, kuize, ekspozita, orë letrare, panaire, turnire e të tjera. Animacione me ngjyra të realizuara me fëmijët kanë qenë ndër atraksionet tjera të kësaj dite me aktivitete të ngjeshura. Neja e Diasporës ishte realizuar në partneritet me Rrjetin e Bizneseve të Diasporës Shqiptare në Zvicër, Komunën e Gjilanit, Ressotin Vali Ranch, Odën Ekonomike të Kosovës ndërsa është sponzorizuar nga “Smartycom AG”, është një firmë e njohur në fushën e telekomunikimit nga Zvicra dhe Berisha Group nga Kosova.
Kjo ngjarje kishte si synim të ndikojë drejtpërdrejt në sensibilizimin e të rinjve në diasporë që të jenë më afër në Kosovë.
Në këtë frymë në mbrëmje është mbajtur një koncert i madh me këngëtarët e mirënjohur: Naser Berisha, Hekuran Bllaca, Korab Shaqiri, Faton Isufi me Atalanta Band dhe grupi legjendar shqiptar “Elita 5”.
E gjithë dita e 30 korrikut ka kaluar në shenjë ë diasporës dhe forcimit të lidhjes së saj me vendlindjen, në këtë rast, me Gjilanin dhe Anamoravën.
Në këtë kuadër hyn edhe Forumi Ekonomik “Njihuni me invstitorët e Gjilanit nga Diaspora”, organizuar nga platforma mediale albinfo.ch dhe albpoint.ch në bashkëveprim me Komunën e Gjilanit.
Hapjen e forumit, në të cilin kanë marrë pjesë subjekte dhe individë të fushës ekonomike nga regjioni dhe Kosova, e ka bërë Sevdail Tahiri, drejtor i platformës mediale albinfo.ch, ndërsa kryetari i Gjilanit, Alban Hyseni, në fjalën e tij të zgjeruar ka thënë veç tjerash se diaspora është pjesë vitale, pasuri e kombit, potenciali për zhvillim të vendit. Ai ka shtuar se kontributi i diasporës ndihet dhe vlerësohet në çdo kohë dhe në secilin sektor.
Më tej, kryetari i Gjilanit ka folur për sektorët me potencial më të madh zhvillimi, ku ka përmendur sektorin e energjisë së ripërtërishme, atë të ndërtimtarisë, bujqësisë, IT-së etj.
Ai ka vlerësuar nikoqirin e këtij organizimi, themeluesin dhe pronarin e resortit turistik Vali Ranch, Fehmi Fetahun, si investitorin më të madh në komunë. Vetë Fetahi është shprehur i kënaqur me investimet që ka bërë tash 16 vjet dhe ka ftuar diasporën të vijnë e të investojnë në Gjilan e Kosovë.
“Neja me diasporën” ka vazhduar me mbrëmjen me muzikë dhe argëtim, ku publiku i shumtë në numër është argëtuar nga këngëtarë dhe grupe të njohura muzikore nga Kosova e më gjerë. Të gjithë të pranishmit janë hedhur në vallen e përbashkët dhe kanë shijuar muzikën cilësore deri në orët e vona të natës.
E-Diaspora
-
Shqipëri: Kostot për votimin e diasporës – një pjesë mbulohet nga shteti e pjesa tjetër nga votuesit Për herë të parë në zgjedhjet e pranverës 2025 shtetasit shqiptarë që jetojnë dhe punojnë jashtë...
-
Liridona Makica zgjidhet Sipërmarrësja e Vitit 2024 nga Swissalbs
-
Don Marjan Marku: Të promovohet dialogu ndërfetar dhe ndërkulturor
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
Jeta në Zvicër
-
Çifti britanik dëshiron të vdesë së bashku në kapsulën e vetëvrasjes zvicerane Peter dhe Christine Scott duan të futen së bashku në kapsulën e vetëvrasjes Sarco në Zvicër...
-
Mashtrimi i nënshkrimeve, ja si i kontrollojnë komunat listat e nënshkrimeve të iniciativave
-
Rreth 40,000 vizitorë në Ditët e Trashëgimisë 2024, në Zvicër
-
Inxhinierët shqiptarë interesohen për trenat zviceranë
-
Zvicër: Sa mund të bien çmimet e energjisë elektrike në zonën tuaj?