Kosova
Mungesa e Thaçit në varrimin e babait, reagime të shumta
Gjykata Speciale refuzoi lejen, Thaçi nuk do të jetë pjesë në varrimin e babait të tij

Ish-presidenti i Kosovës, Hashim Thaçi, që ndodhet në paraburgim në Hagë, nuk do të mund të marrë pjesë në ceremoninë e varrimit të atit të tij, përcjell albinfo.ch.
Kjo iu pamundësua nga Gjykata Speciale, e cila nuk i dha leje të përkohshme për t’i dhënë lamtumirën e fundit babait të tij.
Haxhi Thaçi, pas një sëmundjeje, vdiq më 17 mars dhe do të varroset në Burojë këtë të martë në orën 15:00.
Organizatat e Veteranëve të Luftës së UҪK-së këtë vendim e kanë cilësuar si shkelje të të drejtave të njeriut dhe kanë kërkuar reagim nga institucionet ndërkombëtare, organizatat e të drejtave të njeriut dhe faktori politik në Kosovë e Shqipëri.
Kryetari i Partisë Demokratike të Kosovës, Memli Krasniqi, e ka quajtur të padrejtë dhe të papranueshëm refuzimin e kërkesës nga Dhomat e Specializuara.
“Ajo që po ndodh sot nuk ka lidhje me drejtësi, por me diskriminim. Nuk është ligj, por arbitraritet”, ka thënë Krasniqi.
Ndërkohë, Ministrja e Drejtësisë në Kosovë, Albulena Haxhiu, ka nisur një letër në drejtim të Gjykatës Speciale, ku kërkon të rishqyrtohet vendimi në mënyrë që të mos shkelen të drejtat e Hashim Thaçit.
Kundër refuzimit të kërkesës së ish-presidentit Hashim Thaçi nga Dhomat e Specializuara ka dalë edhe kryeministri i Shqipërisë, Edi Rama.
“Një turp i ri nga një tribunal i turpshëm dhe i paturpshëm, i cili e ka kthyer drejtësinë ndërkombëtare në një farsë, të drejtat demokratike në fjalë boshe dhe vullnetin e mirë të Parlamentit të Kosovës në bumerangun më brutal!”, ka shkruar Rama.
Këtë shkrim të Ramës, në rrjetet sociale, e ka shpërndarë edhe Richard Grenell, i dërguari për misione të posaçme i presidentit amerikan.
Hashim Thaçi, më 13 mars, me leje të përkohshme, vizitoi të atin e sëmurë në spital. Ai ndodhet në paraburgim që nga nëntori i vitit 2020, nën akuzën për krime lufte dhe së fundmi edhe për pengim të drejtësisë.
Të tjera nga Kosova
E-Diaspora
-
Gazeta zvicerane për koncertin e Filharmonisë në Bernë: Një mrekulli e pazëvendësueshme Përshtypje e publikuar nga koncerti i Filharmonisë në Bernë....
-
Finalizohen tekstet mësimore të gjuhës shqipe dhe kulturës shqiptare për diasporën
-
Iftari i bashkimit: “ Xhamia Shqiptare Shtëpia e Paqes” dhe Kisha Reformiste së bashku në sofrën e Iftarit
-
Shoqata e Studentëve Shqiptarë të Lozanës feston 30 vjetorin me një mbrëmje gala
-
Një hap më afër suksesit: swissalbs lidh studentët dhe liderët e industrisë
Jeta në Zvicër
-
Zvicra kërkon masa urgjente për të trajnuar më shumë mjekë Zvicra duhet të ndërmarrë hapa konkretë për të trajnuar më shumë mjekë dhe për të reduktuar...
-
Gjykata kantonale konfirmon vendimin për kufirin e shpejtësisë 30 km/h në Baselstrasse në Lucern
-
Qiratë në Zvicër vazhdojnë të rriten
-
Gjetja e një pune në Cyrih a është e lehtë nëse flisni anglisht?
-
Deputetët nuk duan të taksojnë të pasurit në trashëgiminë e tyre