Lajme
Momente gazmore: Dua ia sqaron Jimmy Kimmel-it fjalitë e çuditshme shqipe
![](https://www.albinfo.ch/wp-content/uploads/2024/02/dua-1200x630-1-587x308.png)
Artistja shqiptare me famë botërore, Dua Lipa, ka qenë e ftuar në emisionin “Jimmy Kimmel Live” me Jimmy Kimmel në televizionin amerikan ABC, përcjell albinfo.ch.
Në këtë intervistë, ndër të tjera, Dua ka folur për albumin e saj më të ri dhe ka dhënë shumë detaje të reja për fansat e saj.
“Për këtë album kam shkruar 97 këngë në një fletore të thjeshtë”, ka thënë Dua.
Ndërkohë ajo që ka marrë vëmendjen më të madhe te publiku ka qenë momenti kur autori i emisionit Jimmy kishte zgjedhur t’i thotë disa fjali në gjuhën shqipe, për të cilat kërkoi sqarim nga Dua për kuptimin e tyre.
Fjala e parë, të cilën e tha në gjuhën shqipe Jimmy ishte “I ke bo rrush e kumbulla”.
“Wow nuk është keq”, ishte reagimi i Dua-s, tutje ajo duke thënë me theksin e pastër të gjuhës shqipe fjalinë, vazhdoi dhe i shpjegoi në gjuhën angleze kuptimin e saj.
“E kish ni drrasë mangi”, ishte fjalia e radhës të cilën e tha Jimmy.
E shoqëruar me të qeshura, Dua prapë shpjegon kuptimin e kësaj fjalie në gjuhën angleze.
“Sa për sy e faqe”, tha tutje Jimmy, ndërsa Dua sqaroi tutje kuptimin e fjalisë, ku tha se kjo paraqet diçka që bëhet vetëm për shfaqje.
“Hyp se të vrava, zhdryp se të vrava”, ishte fjalia tjetër të cilën e tha Jimmy, ku bashkë me të paraqiti edhe një foto të Duas të shkrepur për këngën e saj më të re “Training Session”, duke i thënë kështu të thanë ty kur e shkrepe këtë foto?
Ndërsa Dua e përmend edhe një fjali tjetër, kur thotë “Kap njanin, mshoj tjetrit”, dhe e sqaroi kuptimin e saj.
“Punë e mirë”, i tha Dua Jimmy-t, duke e përgëzuar për këto fjali në gjuhën shqipe.
https://www.facebook.com/watch/?v=916139920220520
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë