Lajme
Mogherini kërkon zbatimin e marrëveshjes Kosovë – Serbi
Përfaqësuesja e Lartë e Bashkimit Evropian, Federica Mogherini siguroi kosovarët, se Asociacioni i Komunave serbe do të bëhet sipas ligjeve vendore
Përfaqësuesja e Lartë e Bashkimit Evropian për politikë të jashtme dhe siguri, Federica Mogherini kërkoi nga institucionet e Kosovës që t;i përmbushin edhe dy kriteret me kërkuara nga Komisioni Evropian deri në kohën kur teknikisht të hiqen vizat. Ajo po ashtu siguroi kosovarët, se Asociacioni i Komunave serbe do të bëhet sipas ligjeve vendore.
Këto komente përfaqësuesja e lartë e BE-së i bëri gjatë qëndrimit në Kosovë. Ajo sot po qëndron në Prishtinë bashkë me Komisionerin për çështje të brendshme, migracion dhe shtetësi, Dimitris Avramopoulos. Vizita e tyre bëhet vetëm një ditë pasi Komisioni Evropian i dha dritën e gjelbër lëvizjes së lirë për qytetarët e Kosovës brenda zonës Schengen.
Mogherini dhe Avramopoulos thanë në Prishtinë se presin miratimin e plotë të propozimit për liberalizim të vizave për Kosovën edhe nga Parlamenti Evropian dhe Këshilli i Bashkimit Evropian, por paraprakisht theksuan se Kosova duhet ta ratifikojë marrëveshjen për demarkacion me Malin e Zi dhe të fuqizojë luftën e saj kundër korrupsionit dhe krimit të organizuar.
Mogheri zhvilloi një takim me kryeministrin Isa Mustafa, ku edhe mbajtën një konferencë për media si dhe mbajti një fjalim në Kuvendin e Kosovës. Ajo tha se zbatimi i marrëveshjeve në dialogun ndërmjet Kosovës dhe Serbisë është thelbësor për vazhdimin e bisedimeve mes dy vendeve.
Sipas diplomates evropiane, tha se autoritetet në Kosovë kanë treguar përkushtim të madh për vazhdimin e dialogut, nga i cili përfitojnë më së shumti qytetarët, por vlerësoi se tani duhet një përkushtim edhe më i madh për rrugën e integrimit në BE. Sipas saj, Kosova është pjesë e Evropës dhe BE-ja së bashku me autoritetet në Kosovë po punojnë për integrimin evropian të vendit.
Duke folur për liberalizimin e vizave për Kosovën, Mogherini theksoi se propozimi, është rezultat i punës së përbashkët me autoritetet e Kosovës, që mundëson lëvizjen e lirë të qytetarëve në vendet e BE-së, citon REL.
“Kjo do të thotë se Kosova është Evropë dhe ne po punojmë në integrimin e saj në BE. Kjo është një rrugë e gjatë dhe e mundimshme, ndonjëherë edhe e ndërlikuar, por kur flasim për perspektivën evropiane të Kosovës, duhet të kemi parasysh se ajo është në zemrën e Evropës”, tha Mogherini, transmeton Albinfo.Ch.
Ndërkaq, komisioneri Avramopoulos u ndal tek respektimi dhe vetëdijesimi për rregullat e lëvizjes së lirë në vendet e BE- së. Ai ia kujtoi Kryeministrit se autoritetet kosovare janë të obliguara që të zhvillojnë një kampanjë për t’ia sqaruar qytetarëve të drejta që do t’i kenë gjatë udhëtimit në zonën Shengen.
“Shpresoj që qytetarët e Kosovës do të mbrojnë të drejtat e garantuara në momentin kur propozimi hynë në fuqi”, tha Avramopolus, i cili kujtoi se pa viza do të mund të udhëtojnë vetëm ata banorë të Kosovës që janë të pajisur me pasaporta kosovare e që janë biometrike.
E-Diaspora
-
Ambasadori i Kosovës, Mentor Latifi, viziton kompaninë smzh AG Diplomati kosovar theksoi rëndësinë e forcimit të marrëdhënieve ekonomike dhe tregtare ndërmjet Kosovës dhe Zvicrës, duke...
-
Shaqiri, “kryefjalë” e numrit më të ri të revistës albinfo.ch
-
Dy shqiptarë dënohen me burg dhe me “dëbim të menjëhershëm” nga Zvicra
-
Zvicër
Ema Hoti, finaliste në “Miss Universe Switzerland”
-
Stokholm: Petrit Gora, drejtor i REX i Animation Film Festival
Jeta në Zvicër
-
Vendosë gjykata, Google nuk duhet të heqë përmbajtjen kritike ndaj FIFA-s Google nuk ka pse të fshijë artikujt në lidhje me shoqatën botërore të futbollit FIFA nga...
-
Gjeneva do të presë takimin e OKB-së për Palestinën
-
Shtyhet për një vit periudha e nisjes për përfituesit e statusit S
-
Fitime për bursën zvicerane nga ulja e normave të interesit në SHBA
-
Shkenca kritikon të shtënat e planifikuara mbi tufën e ujqërve