Futboll
Mediat e huaja lavdërojnë paraqitjet e kuqezinjve në Evropian
Paraqitja e Shqipërisë në dy ndeshjet e para, me Italinë dhe Kroacinë, nuk është parë që nga Kosta Rika 2014
![](https://www.albinfo.ch/wp-content/uploads/2024/06/616819644_highres-587x392.jpg)
Trajneri i njohur, Jose Mourinho e lavdëroi lojën e Shqipërisë në Euro 2024, duke thënë se skuadra jonë kombëtare theu çdo parashikim këtë Evropian, edhe pse ishte në atë që e përshkroi si “grupin e vdekjes”, me Italinë, Spanjën dhe Kroacinë.
Paraqitja e Shqipërisë në dy ndeshjet e para, me Italinë dhe Kroacinë, nuk është parë që nga Kosta Rika 2014.
“Shqipëria është një nga skuadrat që theu çdo parashikim. Në grupin e vdekjes, pritshmëri zero, stadiume plot, lojë të mirë, trajner i rastësishëm brazilian, gola në 20 sekonda, gola në minutën e fundit, dhe ende gjallë.
Nuk e kemi parë këtë që nga Kosta Rika 2014. Kulmi i futbollit”, ishte mesazhi i trajnerit legjendar, transmeton albinfo.ch.
Shqipëria, nga ‘Hirushja’ e Euro 2024, siç e cilësonte Calciomercato në Itali, ka tërhequr vëmendjen e komentatorëve të ndryshëm sportivë të cilët mendojnë se tashmë kuqezinjtë po lënë shenjën e tyre në këtë grup “ferri”.
Për një lojë tejet të bukur nga ana e kombëtares shqiptare flet edhe gjigant britanik BBC, i cili e përshkruan golin e barazimit në ndeshjen me Kroacinë si një bllokues dramatik që i mohoi fitoren kroatëve dhe i dëmtoi rëndë shpresat e finalistëve të Kupës së Botës 2018 për të mbërritur në fazën eliminatore të Euro 2024.
Gjasula tha fjalën e fundit, vazhdon shkrimi, çka nënkupton se Kroacisë tani do t’i duhet të mundë kampionët në fuqi, Italinë në ndeshjen e fundit të Grupit B për të pasur një shans avancimi. Sa për përballjen e kombëtares shqiptare me Spanjën, BBC e përshkruan vërtet si një sprovë të vështirë, ama thekson se paraqitja e Shqipërisë në këtë Kampionat do të mbetet gjatë në kujtesën e tifozëve.
Një tjetër media prestigjioze, The Guardian flet deri për “një ringjallje lindore” në Euro 2024 dhe për një testament të ecjes përpara pavarësisht probleme me të cilat janë ndeshur, siç thuhet në artikull, këto 30 vitet e fundit.
Ekipi duket i frymëzuar, shkruan The Guardian nga trajneri i tij, ish-mbrojtësi i Arsenalit, Sylvinho, i cili promovoi një sërë lojtarësh të rinj dhe drejtoi një seri tetë ndeshjesh të pamposhtura për të përfunduar në krye të grupit kualifikues.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë