Lajme
Media zvicerane për liberalizimin: Kosovarët kanë rezervuar biletat për të vizituar familjarët në Zvicër
![](https://www.albinfo.ch/wp-content/uploads/2024/01/pa-viza-kontroll-pasaporta-587x391.jpg)
Media zvicerane RTS “Radio Télévision Suisse” ka shkruar për liberalizimin e vizave.
“Që nga e hëna, kosovarët nuk kanë më nevojë për vizë për të udhëtuar në zonën Shengen. Ky fund i vizave ishte premtuar prej vitesh nga liderët evropianë. Dhe, shoqëria e re kosovare e priste me padurim”, thuhet në shkrimin e botuar të hënën.
Tutje thuhet se përpos gëzimit të ndërrimit të moteve, për kosovarët rëndësi kishte “çlirimi” i shoqërisë.
“1.8 milionë kosovarët po prisnin me padurim 1 janarin e vitit 2024. Kalimi në vitin e ri është sinonim i një çlirimi të vërtetë për këtë shoqëri të re dhe shumë eurofile: që nga kjo e hënë qytetarët e këtij vendi të vogël ballkanik nuk kanë më nevojë për vizë. për të udhëtuar në kontinentin e tyre”.
Përpos kësaj, bëhet e ditur edhe padrejtësia me të cilën për vite me radhë u ballafaquan shtetasit e Kosovës në këtë aspekt.
“Kosova ishte i vetmi vend në rajon që nuk e kishte marrë këtë liberalizim të vizave dhe situata kishte krijuar një ndjenjë padrejtësie, veçanërisht tek të rinjtë që ndiheshin disi të izoluar në një vend 4 herë më të vogël se Zvicra. Deri më tani, vetëm Shqipëria, Mali i Zi, Maqedonia e Veriut dhe Turqia kishin akses pa vizë. Megjithatë, Kosova i kishte përmbushur prej kohësh kërkesat administrative të vendosura nga Brukseli: masa ishte rekomanduar në vitin 2016 nga Parlamenti Evropian. Por bllokimet politike e kanë shtyrë këtë hapje, veçanërisht për shkak të konfliktit me Serbinë”.
“Sot, procesi i gjatë dhe i kushtueshëm i marrjes së vizës është një gjë e së kaluarës: kosovarët mund të lëvizin lirshëm brenda Evropës, dhe shumë prej tyre tashmë kanë rezervuar biletat e tyre për të vizituar familjen e tyre në Zvicër”, shkruan RTS.
E-Diaspora
-
Shfaqet në Zvicër filmi i Bujar Alimanit, “Fluturat” Regjisori i njohur Bujar Alimani, një nga regjisorët më të mirë bashkëkohorë shqiptarë, është i ftuar...
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
-
Brazil: Sopranoja shqiptare do të performojë në teatrin “Municipal të São Paulo”
Jeta në Zvicër
-
Transport ajror për njerëzit e bllokuar në Luginën e Saas Helikopterët Air Zermatt ishin në gjendje të transportonin pasagjerë të premten midis orës 4 dhe 19:00,...
-
Shqipëria U21 mposhti Zvicrën
-
Lajçak nuk do të bëhet ambasador i BE-së në Zvicër
-
Nga nëntori, skadon vlefshmëria e lejeve blu të drejtimit
-
Ngasja autonome: Niveli 3 do të lejohet nga viti 2025