Lajme
Mbi 9 milionë banorë në Zvicër
![](https://www.albinfo.ch/wp-content/uploads/2022/10/popullsia-zvicerane.jpg)
Në fund të qershorit Zvicra kaloi për herë të parë pragun e 9 milionë banorëve ose saktësisht 9,006,664. Kjo shifër përfshin, përveç popullsisë së përhershme, edhe popullsinë e huaj jo të përhershme, siç janë azilkërkuesit.
Popullsia rezidente e përhershme, vendase dhe e huaj, numëronte 8,902,308 njerëz në fund të gjysmës së parë të 2023-ës, sipas shifrave të publikuara të mërkurën nga Zyra Federale e Statistikave (FSO). Në total, 2.369.382 persona kishin pasaportë të huaj, shkruan RTS.
Popullsia rezidente e përhershme përfshin popullsinë zvicerane dhe të gjithë njerëzit me leje qëndrimi të vlefshme dhe që qëndrojnë në Zvicër për të paktën dymbëdhjetë muaj. Prandaj, pjesë e kësaj popullate janë edhe personat që kanë nevojë për mbrojtje që vijnë nga Ukraina dhe përfitojnë nga statusi S. Në fund të qershorit, OFS numëronte 45 405 persona që përfitonin nga ky status.
Sipas të dhënave të mëparshme nga FSO, deri më 30 qershor emigruan në Zvicër 47,200 të huaj, shumica prej tyre nga vendet e Bashkimit Evropian dhe Shoqatës Evropiane të Tregtisë së Lirë. Konfederata e shpjegon këtë fluks me kërkesën e fortë në tregun e punës dhe papunësinë strukturore të ulët, përcjell albinfo.ch.
Popullsia jorezidente numëronte 104.356 persona në fund të gjashtëmujorit të parë të vitit, specifikon FSO. Kjo pjesë e popullsisë përfshin, për shembull, njerëz që aktualisht i nënshtrohen një procesi azili me një kohëzgjatje qëndrimi më pak se dymbëdhjetë muaj. Llogariten edhe të huajt me leje qëndrimi afatshkurtër më pak se dymbëdhjetë muaj, shkruan RTS.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë