Kosova

Mbi 6500 patentë shoferë ilegale të konvertuar

E premte, 23 Gusht 2024 - 20:40 albinfo.ch

Ka skaduar afati për konvertimin e patentë shoferëve të lëshuar nga Serbia për Kosovën në ato të Republikës së Kosovës. Deri tani, sipas Policisë së Kosovës, janë konvertuar 6509 patentë shoferë.

Procesi ishte paraparë të përfundonte më 9 gusht, por u shty për shkak “të kërkesave të shumta të qytetarëve”.

Nga 26 gusht, Policia e Kosovës do të nisë shqiptimin e gjobave nëse dikush prezanton patentë shoferi të lëshuar nga Serbia për qytetet e Kosovës. Gjobat për mospasje të patentë shoferëve të lëshuar nga Kosova variojnë nga 500 deri në 1.500 euro.