Kosova

Mbi 60 mijë qytetarë vaksinohen kundër Covid në Kosovë

E enjte, 27 Maj 2021 - 14:20 albinfo.ch

Në gjithë Kosovën sot janë vaksinuar 400 qytetarë mbi moshën 65-vjeçare.

Kështu ka bërë të ditur menaxheri i qendrës së vaksinimit në sallën “1Tetori”, në Prishtinë, Niman Bardhi.

“Totali për sot deri tani është 400 vaksinime. Ndërsa totali në nivel vendi prej 29.03.2021 janë vaksinuar 60 mijë e 730”, u shpreh Bardhi.

Aktualisht në Kosovë po vazhdon procesi i vaksinimit mbi moshën 65 vjeç. Imunizimi i tyre po bëhet me dozat e vaksinës AstraZeneca të cilat janë dhuruar për qytetarët e Kosovës nga Agjencia COVAX.

Ministri i Shëndetësisë, Arben Vitia, dje ka paralajmëruar që gjatë kësaj jave do arrijnë edhe 100 mijë doza të vaksinave kundër COVID-19 nga COVAX.

 Të ngjashme

Ambasador Latifi: Komuniteti ynë, dikur barrë, tani shtyllë e shoqërisë zvicerane

 Të tjera nga Kosova

Ambasadori francez: Herët të mendohet anëtarësimi i Kosovës në NATO

 E-Diaspora

 Jeta në Zvicër