Lajme
Mbi 400 të arrestuar nga Europol në 30 vende që tregtonin ilaçe të rreme

Hetuesit ndërkombëtarë urdhëruan arrestimin e 418 të dyshuarve si pjesë e një operacioni që synon tregtinë e ilaçeve të rreme dhe substancave të paligjshme në 30 vende, tha sot organi ligjzbatues i Bashkimit Evropian, Europol.
”Më shumë se 400 000 pako me ilaçe të paligjshme, pothuajse 175 000 shishe dhe ampula dhe mbi 4,5 milionë pilula dhe tableta u sekuestruan gjatë bastisjeve të kryera midis prillit dhe nëntorit të vitit të kaluar”, tha Europol në një njoftim për shtyp, transmeton albinfo.ch
Konfiskimet totale të operacionit të quajtur ”Shield V” kapin vlerën e më shumë se 11 milionë eurove.
Operacioni u drejtua nga autoritetet franceze, greke, italiane dhe spanjolle dhe u koordinua nga Europol.
“Ilaçet e rreme që tregtohen në BE janë në rritje, gjë që vjen me një kosto të madhe për individin dhe shoqërinë”, tha agjencia.
“Krimi farmaceutik ka një ndikim të drejtpërdrejtë në shëndetin dhe sigurinë publike, pasi prek individët, komunitetet dhe sistemet kombëtare të kujdesit shëndetësor. Shitja e produkteve farmaceutike nën standarde, të etiketuara në mënyrë të rreme ose të falsifikuara, si dhe e produkteve të devijuara nga zinxhiri i furnizimit ligjor, rrjetet e krimit të organizuar qëndrojnë pas një game të gjerë ilaçesh të paligjshme dhe substancave dopingu”, shtoi ajo.
”Gjithsej 52 grupe të organizuara kriminale u hetuan si pjesë e operacionit”, sipas Europol.
Agjencia vuri në dukje se “mediat sociale dhe tregjet online, si në sipërfaqe ashtu edhe në rrjetin e errët” janë qendrore në tregtinë e “farmaceutikëve të falsifikuar”.
”Këto platforma ofrojnë shkallë të ndryshme anonimiteti dhe synojnë audiencë të gjerë, duke e bërë të vështirë identifikimin e aktorëve kriminalë të përfshirë”, tha Europol, duke paralajmëruar konsumatorët të jenë të ndërgjegjshëm për ilaçet e rreme të ofruara në internet.
Oficerët e zbatimit të ligjit kapën një gamë të gjerë drogash, përfshirë qetësues kundër dhimbjeve, ilaçe kundër kancerit, substanca dopingu, hormone dhe ilaçe psikotrope.
E-Diaspora
-
Arrestohet 39-vjeçari shqiptar me dy mbiemra nga Spanja Policia ka vendosur në pranga një 39-vjeçar, i cili akuzohet për vrasje nga autoritetet spanjolle. Elion...
-
Dr. Cristiana Lucchetti: Shqipja, ndër gjuhët më të folura në Zvicër por ende “e padukshme”
-
Oda Ekonomike Britaniko-Kosovare në Mbretërinë e Bashkuar feston 17 vjetorin e Pavarësisë së Kosovës
-
Presidenti Begaj: Të hapen sa më shumë Shkolla Shqipe në diasporë
-
Shembja e një çatie i merr jetën 19-vjeçarit shqiptar në Santorini
Jeta në Zvicër
-
Dr. Cristiana Lucchetti: Shqipja, ndër gjuhët më të folura në Zvicër por ende “e padukshme” Në Zvicër, shqipja është një nga gjuhët jozvicerane më të folura, por ajo mbetet kryesisht e...
-
Bisedimet diplomatike midis Rusisë dhe Shteteve të Bashkuara kanë vazhduar prej muajsh në Zvicër
-
Deputetët duan të ndalojnë ministrat federalë që të japin dorëheqjen e parakohshme
-
Këshilli Federal kërkon kontrolle më të forta kufitare
-
Eurovizioni si subjekt kryesor në karnavalin e Bazelit