Lajme
Mbi 100,000 pasagjerë të prekur, pasi stafi tokësor i Lufthansa-s hyri në grevë
![](https://www.albinfo.ch/wp-content/uploads/2020/11/lufthansa_airbus_a380_and_boeing_747_16431502906.jpg)
Për shkak të një greve 27-orëshe të stafit tokësor, udhëtarët me linjën ajrore gjermane Lufthansa duhet të përgatiten për kufizime të mëdha duke filluar nga e mërkura.
Sindikata Verdi u bëri thirrje të hënën 25,000 punonjësve të Lufthansa-s për greva të mërkurën.
“Ne supozojmë se 80 deri në 90 për qind e programit të Lufthansa dhe ai i filialeve të saj do të pezullohet”, tha një zëdhënës i Verdi mëngjesin e sotëm, transmeton albinfo.ch.
Vendet e prekura janë Frankfurt am Main, Mynih, Hamburg, Berlin dhe Düsseldorf. Rreth 400 fluturime të Lufthansa ishin planifikuar të mërkurën vetëm në aeroportin e Mynihut.
Greva paralajmëruese 27-orëshe do të fillojë në orën 4 të mëngjesit të së mërkurës dhe do të zgjasë deri në orën 7:10 të mëngjesit të së enjtes.
Ai ka njoftuar se punëtorët po kërkojnë një rritje pagash prej 12.5 për qind gjatë 12 muajve, si dhe bonuse të njëhershme për të luftuar inflacionin.
Lufthansa ka njoftuar se ishte duke punuar në një “orar të veçantë fluturimi” dhe më shumë se 100,000 pasagjerë do të prekeshin, shkruan thelocal.de.
Por ajo e kritikoi grevën si “plotësisht të pakuptueshme” dhe të panevojshme përpara se të fillonte raundi tjetër i negociatave për pagat më 12 shkurt.
Linja ajrore përmes një deklarate ka njoftuar se u kishte ofruar punëtorëve rritje në më shumë se 13 për qind gjatë tre viteve të ardhshme, si dhe “pagesë të menjëhershme të bonuseve të konsiderueshme të inflacionit”.
Por, sindikata tha se e konsideronte ofertën “krejtësisht të papranueshme”.
“Punonjësit e Lufthansa-s kanë tashmë rreth 10 për qind më pak në xhepat e tyre se tre vjet më parë. Pavarësisht fitimeve rekord, kjo situatë pritet të përkeqësohet,” tha Marvin Reschinsky, kryenegociatori i Verdit në bisedimet për pagat për stafin tokësor.
Greva vjen pasi Gjermania përballet me një valë në rritje të trazirave sociale në sektorin e transportit.
Javën e kaluar, stafi i sigurisë së aeroportit dhe punonjësit e transportit publik në të gjithë Gjermaninë u larguan nga puna dhe dy javë më parë, drejtuesit e trenave organizuan një grevë pesëditore, më e gjata e tyre ndonjëherë dhe hera e katërt që ata kanë hyrë në grevë që nga nëntori.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë