Lajme

Mbahet Seminari XVII i Gjuhës Shqipe në diasporë

Është mbajtur dita e dytë e Seminarit të XVII-të mbarëkombëtar me mësuesit e Gjuhës Shqipe dhe të Kulturës Shqiptare në Diasporë.

Pjesëmarrëse këtë vit janë edhe ministret e arsimit të Kosovës, Arbërie Nagavci dhe ajo e Shqipërisë, Ogerta Manastirliu.

“Ky është viti i tretë me radhë, që së bashku me Ministrinë e Arsimit të Shqipërisë e organizojmë këtë Seminar i cili është rezultat i punës së përbashkët mes Ministrive tona të Arsimit në Kosovë dhe Shqipëri”, tha Nagavci.

Në këtë Seminar po marrin pjesë, të gjithë mësuesit e gjuhës shqipe nga të gjitha trevat shqiptare, të cilët jetojnë dhe veprojnë në shtete të ndryshme të botës.

“Kjo është një mundësi e shkëlqyer për të shkëmbyer përvojat dhe për të diskutuar praktikat më të mira në mësimdhënien e gjuhës dhe kulturës shqiptare”, ka shkruar Nagavci.

Ajo shton se duhen gjetur mënyra për kultivimin e gjuhës shqipe.

“Rivënia në fokus e gjuhës amtare dhe gjetja e mënyrave të reja për ta kultivuar atë tek brezi i ri i mërgatës, janë elemente që të gjithë duhet ti kemi në vëmendje”, tha Ministrja e Arsimit.