Kosova
Marrëdhëniet mes Kosovës dhe Gjermanisë, të ndërtuara mbi vlera demokratike
Në vizitën e parë zyrtare të ministrës së Jashtme, Meliza Haradinaj-Stublla, në Berlin, takoi ministrin Federal të Punëve të Jashtme të Gjermanisë, z. Heiko Maas
Është konfirmuar edhe një herë në Berlin se marrëdhënia e fortë mes Kosovës dhe Gjermanisë është ndërtuar mbi vlerat e përbashkëta të lirisë, demokracisë dhe paqes së qëndrueshme, transmeton albinfo.ch.
Në vizitën e parë zyrtare të ministrës së Jashtme, Meliza Haradinaj-Stublla, në Berlin, takoi ministrin Federal të Punëve të Jashtme të Gjermanisë, z. Heiko Maas. Berlini mbetet kryeqyteti ynë kryesor evropian dhe shtet aleat për Kosovën dhe popullin e saj.
“I shpreha Ministrit Maas mirënjohjen e thellë për ndihmën e Qeverisë gjermane dhënë Kosovës gjatë pandemisë, dhe përkrahjen palëkundur për vendosjen në agjendë të liberalizimit të vizave gjatë Presidencës Gjermane të Këshillit të BE-së”, shprehet ajo.
Diskutuam mbi gjendjen e shkëlqyeshme të marrëdhënieve tona dypalëshe dhe u dakorduam për thellim të mëtejmë të bashkëpunimit në fusha të interesit të përbashkët politik e ekonomik, po ashtu edhe në përfundimin e njohjes së patent-shoferëve”, tha Meliza Haradinaj-Stublla.
Nga ana tjetër, ministri Maas shprehu vendosmërinë që roli i Gjermanisë në dialogun Kosovë – Serbi të vazhdojë të jetë aktiv dhe mbështetës në arritjen e marrëveshjes gjithpërfshirëse, ligjërisht të obligueshme mes Kosovës dhe Serbisë.
Po ashtu u fol edhe nevoja urgjente e definimit të dialogut në 3 elemente kyçe: kohëzgjatjen, parimet dhe objektivin final, i cili domosdoshëm duhet të rezultojë me njohje reciproke. /Albinfo.ch
Të ngjashme
Të tjera nga Kosova
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
FDP: Zvicra të deportojë azilkërkuesit në Shqipëri, sipas modelit italian "Për azilkërkuesit e refuzuar që nuk mund të kthehen në atdheun e tyre, duhet të kërkohen...
-
Operatorët zviceranë të skive janë optimistë pavarësisht reshjeve më të pakta të borës
-
Miratohet udhëtimi me autobus rajonal ndërmjet Italisë dhe Zvicrës
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë