Shkurt.ch
Makroja kosovar dënohet me 28 muaj burg
Sipas trupit gjykues, i padituri ka bërë stimulim të prostitucionit, detyrim me dhunë etj. por jo edhe trafik me qenie njerëzore
Një kosovar 40 vjeç, punëtor në ndërtium dhe njëherësh makro i prostitucionit në Cyrih, ka marrë të enjten një dënim prej 28 muaj burg për mbajtjen nën dhunën e tij të një prostitute rome 22 vjeçe nga Hungaria dhe hedhjen e saj në shitje, në rrugën e njohur të Cyrihut për prostitucion.
Sipas padisë, kosovari i ka marrë të dëmtuarës të gjitha fitimet e realizuara dhe e ka mbajtur atë vazhdimisht nën kërcënim. Veç tjerash, ai e ka kërcënuar prostituten se do ta hidhte në ajër me bomba shtëpinë familjare të saj.
Makroja u zbulua kur në nëntor të vitit 2009 ai, pas një zënke, e nxori hungarezen me dhunë nga vetura e një „blerësi” të saj dhe pastaj e rrahu.
Gjatë javës së fundit ai është përgjegjur në Gjykatën e Qarkut të Cyrihut për trafik me qenie njerëzore, stimulim të prostitucionit, detyrim me dhunë e delikte tjera.
Prokuroria, për të gjitha veprat kishte kërkuar dënim prej katër vitesh burg si dhe dënim me të holla prej 240 njësish ditore nga 30 franga. Nga ana tjetër, mbrojtja ka kërkuar lirim të klientit nga të gjitha pikat e padisë.
Trupi gjykues, në përmbyllje, ka ardhur në përfundimin se i padituri nuk ka bërë trafik me qenie njerëzore, ndërsa ka konstatuar se pikat tjera si stimulimi i prostitucionit, detyrimi me dhunë dhe deliktet tjera, janë përmbushur.
Për të gjitha këto, dënimi i shqiptuar nga gjykata është 28 muaj burg pa kusht dhe një dëmshpërblim prej 2000 frangash për të dëmtuarën
E-Diaspora
-
Shoqata “ILIRËT” do të prezantohet me këngë e valle shqiptare në qytetin Gland Si çdo vit, edhe këtë nëntor do të mbahet festa shumëkulturore e qytetit Gland, të shtunën,...
-
Kosovari nga Austria po voziste një veturë të vjedhur para 11 vjetëve
-
Kurti uron Ditën Kombëtare të Austrisë
-
“Siparantum” valëvit flamurin e Kosovës në Spanjë, krahas 32 shteteve
-
Arrestohet shqiptari nga Gjermania për keqpërdorim të fëmijëve në pornografi
Jeta në Zvicër
-
Qiratë e larta i pengojnë njerëzit të ndryshojnë apartamentet Edhe pse popullsia zvicerane po rritet me shpejtësi, numri i njerëzve që lëvizin është ulur ndjeshëm...
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja
-
Eurovision Song Contest në Bazel: EDU dorëzon referendumin