Sporte Luftarake
Loriana Kuka i jep fund karrierës: Faleminderit për medaljet e emocionet
Me paraqitjen në Lojërat Olimpike të Parisit, Loriana Kuka i ka dhënë fund karrierës në xhudo. Loriana, mbesa e kryemjeshtrit Driton Kuka, la jetën në Zvicër për t’iu përkushtuar karrierës së xhudos. Dhe vendimi doli i duhuri, përcjell albinfo.ch.
Ajo është prej sportisteve shqiptare më të mira në histori.
Ka fituar medalje të bronztë të botës në vitin 2019. Në Lojërat Evropiane në Minsk në vitin 2019, po ashtu fitoi medalje të bronztë. Gara e xhudos në Lojëra Evropiane ishte llogaritur edhe si Kampionat Evropian në këtë sport. Medalje të bronztë evropiane ka fituar edhe në vitin 2020. Pra i ka tri medalje nga ngjarjet madhore.
27-vjeçarja e ka edhe një medalje të artë në Lojërat Mesdhetare të vitit 2022, ndërsa në vitin 2018 kishte medalje të argjendtë në Lojëra Mesdhetare.
Ka medalje të bronztë në Masters, tri të bronzta në garat Grand Slam dhe tri të arta, dy të argjendta e dy të bronzta në garat e nivelit Grand Prix.
Pra karriera e Lorianës është shumë e suksesshme.
Ajo është kualifikuar dy herë në Lojëra Olimpike. Në Tokio ishte ndalur në luftën e parë, ndërsa të enjten në Paris garoi e lënduar. Por sërish arriti fitore impresive ndaj sllovenes Metka Lobnik. Ndaj saj realizoi hedhje të bukur për Ippon.
Në xhiron e dytë të kategorisë deri 78 kilogramë, Loriana e kishte përballë ukrainasen Yelyzaveta Lytvynenko. Ndaj saj zhvilloi luftë të fortë. Iu afrua pikës gjatë një përballjeje në dysheme. Por megjithatë ukrainasja shmangu mbërthimin. Ishte dëshmi që Loriana, për shkak të lëndimit, nuk e kishte forcën e zakonshme.
Në mes të luftës, Lytvynenko realizoi hedhje për uazari. Dhe kjo bëri dallimin. Deri në fund Loriana nuk ia doli të realizoi pikë dhe u eliminua.
Loriana pritet ta vazhdojë jetën në Zvicër, ndërsa kontributi i saj sportiv për vendin vlerësohet i madh. Ajo është vajza e Sylë Kukës, që kryemjeshtri Driton Kuka e vlerëson trajnerin më të rëndësishëm në karrierën e tij. Dhe nën drejtimin e kryemjeshtrit Kuka, Lori, siç njihet shkurt xhudistja, ka prekur nivelet e larta të sportit.
“La Zvicrën tash e tetë vjet për të arritur ëndrrat e saj për medalje elitare. Fitoi medalje në Kampionate Botërore e Evropiane. E deshi edhe medaljen olimpike, por fati nuk deshi. Erdhe nga Zvicra duke treguar se je gjaku ynë dhe deshe të bëjë krenare familjen, ekipin e kombin shqiptar. Dëshira jote e madhe ishte të arrije sukseset që i arrite për babin tënd, vëllain tim, Sylën, që me aq pasion e mbolli dashurinë për sportin e xhudos tek unë, tek Agroni dhe te mbarë familja. Falë teje vëlla, unë jam në xhudo. Falë teje, që ishte trajneri im dhe idoli im i jetës. Si axha yt, Lori, të dëshiroj fatin e botës tash e tutje, në rrugëtimin e ri jetësor. Faleminderit për krejt”, ka shkruar kryemjeshtri Kuka në postimin emocional.
Të tjera nga Sporte Luftarake
E-Diaspora
-
Shqipëri: Kostot për votimin e diasporës – një pjesë mbulohet nga shteti e pjesa tjetër nga votuesit Për herë të parë në zgjedhjet e pranverës 2025 shtetasit shqiptarë që jetojnë dhe punojnë jashtë...
-
Liridona Makica zgjidhet Sipërmarrësja e Vitit 2024 nga Swissalbs
-
Don Marjan Marku: Të promovohet dialogu ndërfetar dhe ndërkulturor
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
Jeta në Zvicër
-
Çifti britanik dëshiron të vdesë së bashku në kapsulën e vetëvrasjes zvicerane Peter dhe Christine Scott duan të futen së bashku në kapsulën e vetëvrasjes Sarco në Zvicër...
-
Mashtrimi i nënshkrimeve, ja si i kontrollojnë komunat listat e nënshkrimeve të iniciativave
-
Rreth 40,000 vizitorë në Ditët e Trashëgimisë 2024, në Zvicër
-
Inxhinierët shqiptarë interesohen për trenat zviceranë
-
Zvicër: Sa mund të bien çmimet e energjisë elektrike në zonën tuaj?