Kosova

Lista e ekipit olimpik të Kosovës për LO Paris 2024

E mërkurë, 3 Korrik 2024 - 22:00 albinfo.ch

Ekipi olimpik i Kosovës do të përbëhet nga nëntë sportistë për Lojërat Olimpike Paris 2024, të cilat prej 26 korrik deri më 11 gusht 2024 do të mbahen në Paris të Francës.

Gjashtë është numri i sportistëve të kualifikuar, pesë nga xhudo dhe një nga boksi, si dhe tre sportistë me ftesë të univerzalitetit, dy nga noti dhe një nga atletika.

Listës i prijnë kampionet olimpike, xhudistet Distria Krasniqi e Nora Gjakova, pastaj tre xhudistët tjerë, Laura Fazliu, Akil Gjakova e Loriana Kuka.

Boksin do ta përfaqësojë Donjeta Sadiku, derisa atletikën Gresa Bakraqi.

Hana Beiqi dhe Adell Saboviq janë emrat e fundit që i janë shtuar sot listës.

Prezantimi i ekipit do të bëhet më 15 korrik 2024.

Lista e ekipit olimpik të Kosovës për LO Paris 2024

Emri/mbiemri Sporti Kategoria

Distria Krasniqi Xhudo -52 kg

Nora Gjakova Xhudo -57 kg

Laura Fazliu Xhudo -63 kg

Akil Gjakova Xhudo -73 kg

Loriana Kuka Xhudo -78 kg

Donjeta Sadiku Boks -60 kg

Gresa Bakraqi Atletikë 800m.

Hana Beiqi Not 50 s.l

Adell Saboviq Not 100 s.l.

 Të tjera nga Kosova

Kasanof: Sulmet si ai në “Ibër-Lepenc” janë ndërtuar qartësisht për të krijuar destabilitet

 E-Diaspora

 Jeta në Zvicër