Kosova
LDK nuk udhëheq në asnjë komunë, dështon edhe në bastionet e saj
Lidhja Demokratike e Kosovës, sipas asaj që raporton Komisioni Qëndror i Zgjedhjeve deri tani, nuk udhëheq në asnjë komunë, transmeton albinfo.ch.
Për më tepër, ajo renditet në vend të dytë apo të tretë edhe në komunat që quhen bastione të saj.
Po shkon drejt fundit procesi i numërimit të votave nga KQZ, ku deri më tani janë numëruar 94,33% e votave.
Lidhja Demokratike e Kosovës është radhitur në vendin e tretë në nivel vendi, mirëpo kjo parti nuk ka arritur të dalë e para në asnjë komunë.
Lidhur me këtë rezultat është deklaruar edhe kandidati për kryeministër nga kjo parti, Avdullah Hoti, transmeton tutje albinfo.ch.
Ai në një konferencë për media është shfaqur shumë i ftohtë, teksa ka thënë se do të marrë përgjegjësinë për rezultatin e zgjedhjeve.
Edhe Isa Mustafa foli për këtë, ku tha se në LDK do të vijnë shpejt ndryshimet e nevojshme.
“Në ditët në vijim, do të bëjmë një analizë të thellë të zgjedhjeve.
Hoti ka bërë një punë të shkëlqyeshme si Kryeministër, por edhe gjatë fushatës. Çfardo të jetë, LDK e respekton rezultatin e zgjedhjeve. Ne do të bëjmë ndryshimet e nevojshme dhe LDK, do të punojë shumë që të rikthehet dhe ta sendërtojë vizionin e saj rugovian për vendin”, shkroi Isa Mustafa në Facebook.
LDK-ja është mposhtur për herë të parë në bastionin e saj, Istogun e Ibrahim Rugovës. LVV-ja e ka fituar bindshëm edhe kryeqytetin, të cilin LDK-ja e ka udhëhequr në disa mandate. Tash LVV-ja ka mbi 60 për qind, ndërsa LDK-ja 23 për qind.
Sot kur KQZ-ja po publikonte rezultatet nga numërimi i votave, LVV-ja printe në shumicën e komunave, ndërsa harta e Kosovës mori ngjyrën me të cilën ajo ilustrohej. Shtrirjen e VV-së nëpër Kosovë e ka devalvuar Lista Serbe, që ka fituar në 10 komuna.
LDK-ja renditet e treta, me 13 për qind të votave të përgjithshme. Ky është rezultati i saj më i dobët ndonjëherë, dyfish më i ulët se në zgjedhjet e para një viti e gjysmë. Në zgjedhjet e 6 tetorit të 2019-së, Lidhja Demokratike doli e dyta me 1 për qind dallim nga vendi i parë.
Kurti fitoren e sotme arriti, duke e pasur në listë numër dy, kandidaten e LDK’së për kryeministre, Vjosa Osmanin. /Albinfo.ch
Të ngjashme
Të tjera nga Kosova
E-Diaspora
-
Si do të votojnë shqiptarët në Amerikë? Derisa kanë mbetur më pak se tre javë nga dita e zgjedhjeve presidenciale të 5 nëntorit...
-
Kurti: Pa diasporën, Kosova nuk do ta gëzonte lirinë dhe zhvillimin
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
Jeta në Zvicër
-
Zvicra nënshkruan deklaratën e anëtarësimit në “Sky Shield” Zvicra është vendi i 15-të që i bashkohet nismës evropiane të mbrojtjes ajrore. Shefi zviceran i...
-
Mbi 60% e zviceranëve mbështesin reformën për financimin e shërbimeve shëndetësore
-
Sa ka ndryshuar tregu i punës në Zvicër?
-
Studimi: Zviceranët janë në favor të zgjerimit të rrugëve
-
Bernë: Këshilli Bashkiak jep sinjalet e para pro pilot-projektit për të ardhurat e pakushtëzuara